Popular Bible Verses from Va'Atəŋ 17

Share

Wəzva na Abram agəɗək kaklaw vaytak kiyən vaytak, gala Yawe arban zən aza Abram anah sən na: «Intə Maŋgəlva Məzuɓappak. Adaw abawa, asok təstəs-gərakə.

Kawyukiy də iya na Abram əmpa ɓa, iya nok wasan Abraham, vi wanəkkpaŋgok afit ɗiy diyɗa

Wənmiyna naw də isi, gəm sayit ɗiy dədazzoŋ dərɓogoko; wənmiyna faɗəs waɗiyu ka Maŋgəlva noko, gəm ka net kirtuk dədazzoŋ dərɓogoko.

«Naw na, wənmiyna naw də is yaŋka: wakəkkpaŋ afit ɗiy fakay fakayə.

Maŋgəlva apsən na: «Awwo! Ɗak nok Sara watəwə suk wiyina, kəlvangən na Isak. Wənmiyna naw wasan dəndən ka wənmiyna an faɗ sit kirtin dərɓagani.

Dələv məs kəsim akanəŋka wanəpsuk ka nok faɗə gəm sit kirtuk dərɓogoko, dələv na Kana'an dəwənnani. Wanəsaw Maŋgəlva neti.»

Abraham ampak kiyən afuŋ, ndən əmasa: ndən əpel də makran na: «Ɗəf wəzva səkat na dəwəgən muzliya? Wəzva nat sara agəɗək kaklaw vaytak, watəwə?»

Maŋgəlva apsən Abraham na: «Kədawyət ɗak nok Saray əmpa ɓa, iya nat dəsan na Sara.

Əskəlkum awra yi, zəga narban wənmiyna a walaŋgu də mənokum.

Wənmiyna naw wasan də Isak hara, məs Sara tədawə suk dukki va kakaŋkəŋka.»

Kirtukum mezeŋgleket va sayit agap pak, kaskilit awra aka əvoŋ dodopoɗo səza muweti, vaska'e belemɗe muwet anokumda, awaniɓa məlbahit dəlbəh də təbəz babar səka dələv mbərən awandi pak, məs mahəlfa nokuŋ ɓa. Balam muwan eŋgili, may məlbəhən dit deleɗ pak əskələn awra. Wənmiyna naw dəsangən aka gəɓa zukum wənmiyna faɗə