Popular Bible Verses from Yohanes 14

Share

Yakw ktwi a ktwate kmi nempa Yakw ye ma kose ma myorip e mingamon motak. Ma lan Yakw ye ma kose ma myorip e mingamon farane. Iane to far ma tomwatar na saryamprene ye rose ber a kmi. Mpa ka kete dalmir suse ma mimtaut na safe ma keta diat a kmi.

Ne Yesus nfalak, “Yakw ye kweluk dalamtene ber tomwatar ma rakmat Amangw Ratu. Yakw kuftutu anftutw botunar na Ratu, nema tomwatar ronri momorip dedesar. Mpa tomwatar to bise ma rakmat Amangw farlan sir to ror Yakw.

Mpe Yesus nfalak ber Ni manglartar, “Kete dalmir suse. Ka milele Ratu ma milele Yakw nbal.

Noak ma ktwi kukmat Amangw keta I nsiduk Ni Smwangtany ma nlikur Yakw la ntulung a kmi. I ye ma keta naftutu safe-safe monuk, ma nose ma minremi safe-safe monuk ma kfwalak ber a kmi a ne.

Tomwate ma nlangun Ningw faretar ma nose nlarat, i a ne nkamis Yakw. Ma tomwate ma nkamis Yakw keta Amangw nkamis i a nbal. Ma Yakw nbal e keta kwamis i, ma keta kufbwotin Yakw ber i.

Ma keta ktwak Amangw ma nal Smwangtany la nlikur Yakw ma ntulung a kmi. Ma keta I nor a kmi titerik ma dedesar. Smwangat ma keta ntulung a kmi a ne iane Ratu Smwangtany. Ma I keta nfatutu kmi ma mkyaul myal kabain botunar na Ratu. Ma tomwatar na saryamprene ye to rlangun I a na dalmir, fali to rsalan I ma to rafai I. Nempa kmi e mifai I fali I nmorip nor a kmi, ma keta namin dalmir.

Ma safe-safe motak ma mtyak myor Yakw Ngarangw, keta kal ber a kmi. Yakw kose farane nema tomwatar rdangin Amangw na safe ma Yakw kose ne. Ma kmi dalmir lese myor Yakw lo, mpa safe-safe motak ma kmi mtyak myof Yakw ne, keta kose ber a kmi.”

Yesus nfalak ber Ni manglartar, “Farlan kmi mkyamis Yakw keta myose mlyarat Ningw faretar.”

Na Amangw Ni das e anir yadin. Ma farlan to botuan e to kfwalak farane ber a kmi. Mpa Yakw kbwalun iano ma kususan anir ber a kmi.

Ma farlan Yakw ktwi iano ma kususan ain ber a kmi lo, keta kbwali Yakw ma kor a kmi far iano. Yakw kose farane nema Yakw kumin mpene ne, kmi mimin iane nbal.

Ne Tomas nfalak ber Yesus, “Maken, kam to mafai feti mtwi mpe, mpa kam mafai dalamtene farpe?”