Popular Bible Verses from Lukas 9

Share

Mpene I nfalak ber tomwatar monuk ma ramin iane, “Ise nmpeang ma nlarat Yakw, ka kete nlarat ni mpempeang, nempa ka nabare ni sangwalu lerar monuk, ma nlarat Yakw.

Ise ma nmorip a nlarat koko i ni mpempeang, keta to nonri momorip dedesar. Nempa ise ma to nmorip a nlarat ni mpempeang terik ma nmat fali nlarat Yakw, keta nonri momorip dedesar.

Nempa Yesus nfalak ber i, “Tomwate ma nabali ompak, nempa nfon far lan mudy keta ni karyae ne to nsor. Farlan tomwate ma nlarat Yakw ma nanremi lan ni safe kabain, keta to ubany na Ratu Ni ain farete.”

To ubany ber tomwate ma nonri monuk kabain saryamprenar, nempa to nonri momorip dedesar.

Ise ma nmeat ma nyoding feti nlarat Yakw ma nmeat ma nlangun Ningw anftutwar, keta Yakw kmweat a nbal ma kyoding i a na Ratu sounlury noak ma Yakw, Tomwate Anaky kmwa saryamprene. Na lere ne keta Yakw kmwa kor dadangin ma Amangw Ratu nal, numur malaekat lelerpar ma Ratu nsiduk sir.

Ne Yesus nfalak ber i, “Asw alsar e nir klinar ma mangkyar nir ngengyar, nempa Yakw, Tomwate Anaky e, to ain ma kurwa.”

Betno nfalak ber sir, “Tomwate ma nlangun kanak ye fali nalele Yakw, iane i nlangun Yakw. Tomwate ma nlangun Yakw, iane nlangun Ratu ma nsiduk Yakw. Nof a kmi e, ise ma to nafdas i keta silai i!”