Popular Bible Verses from လုကာ 14

Share

“ငါ့ဆေဟို လာသောသူလို့ဟ ငါ့ဟို ချစ်တာထက် တို့မေနဲ့ တို့ဖ၊ ပေါင်အိုမနဲ့ သားသမီး၊ ညီအကိုနဲ့ မောင်နှမနဲ့ မိမိတတ်တိုင်း ပိုယွေ့ ချစ်သောသူဟ ငါ့တဘဲ့ မဖြစ်နိန်။

ကိုယ့်လက်ဝါးကပ်တိုင်ဟို ထမ်းပင်း ငါ့နောက်ဟို မလိုက်သောသူဟ ငါ့တဘဲ့ ဖြစ်နိန်ဝူး။

အကျောန်းမှာ ကိုယ့်တတ်တိုင်းကိုယ် ချီးမြှောက်သူတိုင်းဟ နှိမ့်ချခြင်းဟို ခံရလိမ့်မယ်၊ ကိုယ့်တတ်တိုင်းကိုယ် နှိမ့်ချသောသူဟ ချီးမြှောက်ခြင်းဟို ခံရလိမ့်မယ်” ဟု ပြောအယ်။

အေးတိုင်းတိုင်း “စသူငြမ်းငြမ်း သူ့မှာ ဆိသမျှဟို မစွန့်လောနိန်ရင် ငါ့တဘဲ့ ဖြစ်နိန်ဝူး။

အကယ်ယွေ့ နင်လို့ထဲတွင် တစုံတယောက်ဟ အေးတိုက်ပီးအောန် ဆောက်လိုရင် ကိုယ့်ဆေမှာ ပိတ်ဆန် အလုံလောက် ဆိ မဆိ သိဖို့ ဦးရင်ဆုံး ထိန်ပင်း မတွက်ကျေ့ဘဲ နေမှာမို့လော။ နင်ဟ မလုပ်ခင် တိုက်ဟို အုတ်မြစ် ချပင်း အပီးမသတ်နိန်ရင် ဖြစ်ပျက်ခဲ့တာဟို မျော်ရသောသူများဟ နင့်ဟို ကဲ့ရဲ့ကြလိမ့်မယ်။ ‘အေးသူဟ စဆောက်ပင်း ပီးအောန်လဲ လုပ်နိန်ဝူး’ ဟု ဆိုကြလိမ့်မယ်။

နင်ဟ ကျွေးမွေးဧည့်ခံပွဲ ကျင်းပသောအခါ ဆင်းရဲသား၊ အင်္ဂါမစုံသူ၊ ခြေမစွမ်းသောသူ၊ မျက်စေ့မမျော်သောသူများဟို ဖိတ်ကြားလော့။ အေးလို့လုပ်ရင် နင့်ဖို့ မင်္ဂလာဆိလိမ့်မယ်၊ ပစာကို့ သူလို့အနေနဲ့ နင့်အား ပစာမှ ပြန်မပေးဆပ်နိန်သောကျောန့် ဖြစ်အယ်။ သူတော်ကောင်းလို့ သေခြင်းမှ ထမြောက်သောနေ့နှိုက် ဘုရားသခင်ဟ နင့်အား ကျေးဇူးဆပ်ပေးလိမ့်မယ်” ဟု ပြောအယ်။

“ဆားဟ ကောင်းအယ်၊ အဲလိုလဲ အငံပျောက်ဝါးရင် စလို ငံသောအရသာဟို ပြန်လုပ်မလဲ။ မြေဖို့ အဲဟာမဟုတ်ရင် မြေဆီလွှာဖို့ မကောင်းသဖြင့် အေးဒါဟို အပြင်သို့ လောပလိုက်အယ်။ “ကြားစရာ နားဆိရင် ကြားကြပါစေ” ဟု ပြောအယ်။