Popular Bible Verses from लुका 7

Share

होझ्‍येरी ङा ख्‍यो़ला ॱनाहीन, मी़ धीक्‍पा माङागोला सेसालाक घीझ्‍येरी ॱनाना मी़ माङा चेवा झ्‍येवालाक। हीना घोयाङ ङ्युङा थोप्‍कीनगी़ चेवा ङ्युङा झ्‍यीदालाक।” धेनी खोङबागी मोला सुवालाक, “ख्‍यी़ धीक्‍पाक्‍या सेल्‍जुङ।”

धेनी खोङबागी होदे केमीला सुवालाक, “ख्‍यो़री धेपागी ख्‍यो़ला क्‍योप्‍पालाक। धा श्‍यीदेला सोङ।”

धेनी येशुगी ग्‍याप स्‍योकला, खोङबागी श्‍यापदु लारी ङी़री धेपालाक धेनी मी़ ॱमीक्‍क्षुगी खोङबागी श्‍याप ॱलो़म्‍बा शो़री, मोरी ॱरागी होदी ॱमीक्‍क्षु फीवालाक। धेनी खोङबागी श्‍यापला ओ झ्‍येरी, पो़क्षुगो ढी़वालाक।

होझ्‍येरी ङा खेराङचारु च्‍यारीन खाये मेक। हीना खेराङगी कागो ॱनाङरो जे धेनी ङी ॱयोक्‍पो ढाक्‍कीलाक। घीझ्‍येरी ॱनाना ङाः मी श्‍येम्‍मागी वाङगी होकदु हो़क धेनी ङी होकला ॱमाक्‍मीक्‍या हो़क। ङी च्‍यीकला सोङ ॱनाना, खो डोवालाक धेनी श्‍येम्‍मा च्‍यीकला स्‍योक ॱनाना खो हुङालाक। धेनी ङी ॱयोक्‍पोला दे झ्‍यी ॱनाना, खी़ होदे झ्‍यीदालाक।” दे घीरी सेन्‍दी येशु ॱहाङसावालाक। धेनी खोङबागी स्‍याम्‍ला डागीन मीछोक स्‍योकला श्‍याल ग्‍युरती सुवालाक, “ङा खेक्‍याला ॱनाहीन, ङी ईस्‍राएल नाङदुवाः देरे धेपा हो़गीन मी ॱमाथो।”

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक। धेनी खोङबागी खुङक्‍याला सुवालाक, “सोङला खेक्‍याई थोङगीन धाङ घोरकीनगो योहान्‍नाला स्‍यो़क। श्‍याराक्‍याई थोङी, श्‍याक्‍योवाक्‍या घोबा चुई, जेनेक्‍या दाक्‍यी, घुक्‍याक्‍या घोरी, स्‍यीम्‍बुक्‍या सो़न्‍पो ॱलाङी धेनी ताम्‍शाङगो उटेक्‍याला स्‍येदुक।