Popular Bible Verses from Chenesis 12

Share

Mikma okla chito fehna a chikbi la he, mikmʋt chi yukpali likmʋt, anonti chi hohchifo ha̱ holitoblichi la hi oke; mikma ishit na chi yukpa yachi̱ hoke. Atukma kʋna hosh anumpa yukpali chi onochikma yukpali la hi oke; mikmʋt kʋna hosh anumpa kalakshichi chi onochikma, kalakshichi la hi oke: mikma chuka achʋfa puta yakni paknaka aiasha kʋt chi aiyukpa hi oke, achi tuk atok.

Yohmi ka̱ Chihowah ʋt Eblam a̱, Chi̱ yakni chi̱ kanomi ʋhleha micha chi̱ki in chuka achʋfa aiena ka̱ i̱ filʋmmit a kohchʋt a̱yʋt yakni chi pesʋchi la chi̱ ka̱ ish onashke

Yohmi ma Chihowah yʋt im achi tuk mak o̱, Eblam ʋt ia tok, mihma Lot ʋt awant ia tok: mihma Eblam ʋt Halan a̱ kohchʋt ia mʋt, afʋmmi pokoli untuklo akucha tahlapi tok.

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.