Popular Bible Verses from Chenesis 28

Share

Micha yakeh, chibafoyuka lishke, micha kanima moma ish onakma, chi halʋlli la chi̱ hoke, atuk osh anonti yakni ilʋppa chisht ʋla la hi oke: anumpuli li tuk ʋt ak yʋmihcho ki̱sha kʋt chissa la he keyu hokʋt, achi tok.

Mihma yakeh, Chihowah yʋt paknaka ya̱ hikia cha, Chi̱ki Eblaham in Chitokaka Chihowah sia hoke, micha Aisak in Chitokaka sia hoke: yakni ish ai on itoyula ka̱ chishno, micha chim ishtatiaka ya̱ ima la hi oke.

Mihma Chekob ʋt nusi tuk ʋt okcha tok; mihmʋt, Chihowah yʋt ilʋppa anta pulla ho̱ ak ithano ke tushke, achi tok.

Mihma Chekob ʋt anumpa il onochit, Chitokaka yʋt sʋbafoyukʋt ilʋppa pilla ia li ka̱ sa halʋlli cha, ʋpa la chi̱ ka̱ pʋska, micha fohka la chi̱ ka̱ nafohka ʋma, Yʋmohmi ho̱ achukma̱kʋt a̱ki in chuka ya̱ anonti ʋla li hokma, yohmikma Chihowah ak osh an Chitokaka yashke. Mikma tʋli ilʋppa nan isht‐ithana mak o̱ hilechi li tuk ʋt Chitokaka in chuka ya hi oke: micha nana is sʋma moma ishit pokoli ka̱ chima li pulla hi oke, achi tok.

Mikma chim ishtatiaka yʋt yakni lukfi pushi ak o̱ choyuhma hi oke; micha fimimpa cha, hʋshi ai okatula, micha hʋshi akochaka, micha falʋmmi, micha oka mahli aiena ka̱ pit ish pataiya chi̱ hoke: mikma chishno, micha chim ishtatiaka pulla kak o̱ chuka achʋfa puta moma yakni paknaka aiasha kʋt ai yukpa hi oke.

Mihma ʋt yakni yʋmma Behlel hochifo tok: yohmi kia ʋmmona ka̱ tʋmaha holihta yʋmma hohchifo kʋt Lus atok.