Popular Bible Verses from Chenesis 32

Share

Mihma, Himak pilla ma chi hohchifo ha̱ Chekob acha he keyu, amba Islael ahi oke: hatak holitopa chia hosh Chitokaka ya̱ ish i̱ kʋllo hokʋt, hatak ʋhleha ha̱ ish imaiya chi̱ hoke, achi tok.

Mihma, Onnʋt minti hoka, ak iá, achi tok. Mihma, Chik sai yukpalokma, ik iá, chim ahni la he keyu, achi tok.

Micha ilap bano hosh anta tok; atuk o̱ hatak osh ont iti̱hi̱shi na onnʋt minti tok.

Mihma Chekob ʋt yakni yʋmma hohchifo ha̱ Penuel achi tok: Chitokaka ya̱ nashuka iti̱ sanalit pisa lish si okcha̱ya moma hokʋt, achi hatok.

Atuk osh imaiya he keyu kʋt pisa mʋt, Chekob iyubi itachosholi kolukbi ya̱ potoli tok: mihma itishi mʋt, Chekob ʋt iyubi ai itachasholi ʋt shu̱fa tok.

Mihma, Chi hohchifo hʋt nanta hoh cho? im achi ma, Chekob sia hoke, achi tok.

Mihma Chekob ʋt i̱ ponaklot, Chi hohchifo ha̱ ʋm anolí, chim asilhha lishke, achi tok: mihma Nanta katiohmi ho̱ sa hohchifo ha̱ ish ponaklo cho? achi tok. Mihmʋt yʋmmak o̱ a yukpali tok.

Nan isht ish i̱ nukha̱klo moma ik lauwo ka̱, micha chim anumpa a̱hli moma chin tishu ha̱ ish pisachi chatuk a̱ si ahalaia he ʋlhpesa keyushke: an tʋbi ya̱ ieshi hosh Chatan ilʋppa hlopulli li tok osh, himak ano a̱ya tuklo toba li hokʋt.

Yʋmohmi kak o̱ Islael im ʋlla ʋhleha hʋt akshish yʋmmʋt iyubi itachosholi kolukbi o̱ hikia kʋt shulla tok ak o̱ ik po chatuk osh himak nitak a̱ moma hoke: Chekob iyubi itachosholi kolukbi ya̱ potoli na akshish ʋt shulla tuk atok.

Mihmʋt Chekob ʋt, A̱ki Eblaham a̱ in Chitokaka, micha a̱ki Aisak a̱ in Chitokaka, Chihowah, Falamʋt chi̱ yakni, micha chi̱ kanomi ya̱ ish im onashke, mikma achukma ho̱ chi̱ yʋmihchi lashke, is sʋm ahanchi tuk chia ma

Itibapishi li ibbak, Esau ibbak a̱ im ai ishit is sa hlakofichashke, chim asilhha lishke, i̱ sa nukshopa hoka: ʋlʋt issot sa kanchikmʋt, ishki, micha ʋlla ʋhleha ma issot kanchi yoba ná.