Popular Bible Verses from Yohanes 1

Share

At eyave wegetek-at welagagwa ovara, it nin enendawi At ovaga vanggabaluk, avyarat umbutu lagagwarik, wagagwa. It nin enendawi At ovaga vanggabaluk, avyarat umbutu lagagwa ako At Eve Wene akoen yugirigya dugwit, “Hit Ala aburi-at dogogup o,” yiluk, it ovok erogo At Ala aburi okbigigi.

O muk endak erogo wen-mbogot ogagetek hegek At Eve Wene akoat welagagi. Eve Wene ako andi, Ala inimat welagagi. Eke, Eve Wene andi, eyave Ala-at welagagi.

Awiya akoen o hwiserekma awiya ogasiga. Eke, o hwiserek akoen o awiya ako o hwis erogo bagetek-at agarik.

At Eve Wene ako, Ap-At agya lagagirik, ninimat welagagi. Ninim dugwit, At mondok siyalek-at hagagup. At Ala Abut adik ambengga atma, Asin en siyabagya hagagup. Eke At ninim dugwit, endawi hunik en okbininggu, wene mondok des erogo yuknirigya, ombok erogoat ogagya hagagup.

Ala en yi menda ndi menda ovok erogo ogagagi andi, At Eve Wene enat ogagagi. Yi menda ndi menda ogagagi ako, ambiat ogo At Eve Wene en ambi ogagetek andi mondok dek o. Ovok erogo Aren adigat ogagagi. Iniluk oginivisiga menda adem Eve Wene Arat welagagi. Eke, iniluk oginivisiga menda adem akoen avakwa enendawima awiya okbisaliga.

Nogo yiluk, hutun Yesus ako, at Yohanes adema wagya il hagagi. Il higya lagagirik, it avakwa yugirigya dugwit, “Avakwa wen vaga yoma agarwik enomaduk degerogo bisagiluk Ndomba Eyak Ala en lakba wagagi ako wandiga yi hinil hanes.

At o wen vaga yoma wambu wagya lagagirik, welagagi. O wen-mbogot yi, Arat ogagagi ovara, it avakwa wen vaga yoma agarwik ako At yedok hegetek-at welagagwa. At amwa awerek-at wambu wagagi ovara, it ap At owa-asin akoen At eyave wegetek-at welagagwa.

Awiya eyave itok agarik menda o wen vaga yoma nunggu wigya dogomindik, yi ap ndi ap enendawima awiya oginipu dogop ako Arat wambu wagagi.

Ala en wene “Yerogo ogarup, nderogo ogarup,” Musa yugugu halok, Musa en yukneragagi ovara, Ala endawi hunik en okbininaliga ako, At Yesus Keretus vaga enat, okbininaliga. Eke, avyarat wene des erogo vagalogo yukneraliga andi ogo, At Yesus Keretus enat yukneraliga.