Popular Bible Verses from Yohanes 15

Share

“Yo adem andi, Anat. Eke, inggis abwak andi, hirat. Hit An ninim hunik, eke, An hit ninim hunik halok andi, enggen wisane erogo yugu dogosogom. Hit An ninim hunik dek hiniselok andi, hit ambi ogarup mondok dek.

Hit An ninim hunik dogones. Eke, An hit hinim hunik dogosogon. Yo abwak adem vaga hunik dek halok, adik dugwit enggen yiligadek ako hak, hit An ninim hunik dek halok, enggen yugu dogosogonbuk. Abwak adem vaga hunik halok adigat enggen yiliga.”

Hit An ninim hunik, eke An nane henendawima agarik andi vaga, ‘Nit andi menda woknerapwak,’ umbutu dugwit, nggino yuknugu hiniselok, andiat An wokhirigya neyagup.

Hiren An miknetetek. Ata, Anenat hit mikhinipu lagagirik, hit enggen wisane erogo mondok dogop menda yilin lagu dogovovok yiluk, denogo bigigis. Anderogo ogarit lagu dugwit, ‘Andi menda wokniru o,’ yiluk, An ninis vaga Nasin nggino yugugu hiniselok, Aren wokherayogon aro.

Avakwa en enaswei enendawi hunik oginivisagwi andi, un horogat ovara, ap ambien aswei enagap wendarogo enake hambigya halok andi, aswei mondok endawi hunik eve ombok erogo imbita dugwit, ogasiga atma, aswei endawi hunik ogasiga andi mondok iya yiluk ombarup.

Yo inggis abwak ambi An ninim hunik dugwit, enggen yigitek halok, Nasin en mbalogo baliga. Eke, yo abwak ambi vaga enggen yugu halok, ambi inim yugu dogopwak yiluk, wererogo baliga.

An nendawi hunik okhinipigis ako hak, hit nendawi-hendawi hunik ogagu dogovovok yiluk, wene ombok andiat yukheraliga.

Enggen wisane yugu dogosogon vaga hit An nane welagwi menda avyarat henombarusogom, andi vaga An Nasin inis ombok arisogon.”

Yugirigya lagagirik, Yesus en At ane welagwi menda ambi inim yugirigya dugwit, “Yo anggur eve adem andi, An aro. Eke, yo anggur eve andok andi, An Nasin-at.

Abwak mbalogo bagarwikmu mbuk agya halok, avakwa en wonggalogo hali abyama beyak hanungguguselok, hali naliga hak, hit An ninim hunik dek hiniselok, anderogoat okbigigayogon.

“Wene yukheraliga yi, An nendawi adenggen ombasiga ako ndatak, hit henendawi adenggen umbutu dogop, eke henendawi adenggen ombogat hugu dogovovok yiluk, yukheraliga.

Nasin en, ‘Yerogo ogarup, nderogo ogarup,’ yuknogogi ako An ogagya lagagis vaga endawi hunik okneraliga ako hak, Anen, ‘Yerogo ogarup, nderogo ogarup,’ yukheraliga ako ogagu hiniselok, nendawi hunik okhinivisogon atma, ninim hunigat dogosogom.”

Nendawi-hendawi hunik ogagu dogovovok yiluk, wene ombok andiat yukheraliga o,” yiluk, yugeragagi.

Hiren it avakwa o wen vaga yoma agarwik ako menda duklip en, iren, ‘Nit menda aro,’ yiluk, vage enendawi hunik okhinivilip ovara, hit it menda dekma, eke, it ako inigik, An denogo bigigis atma, enanggon henombasagwi.