Popular Bible Verses from Lukas 19

Share

An Ap-At Endaklagagis yi, it avakwa yelemele yagagwa ako havedogo enagap wendarigiluk, wagagis o,” yiluk, yugogogi.

Ala inis siyabaik wagu dugwit: “Nenasin Ala inis vaga wandiga yi, inis siyabelagwi o! At mbogot vaga winimen agarik akoen, nenendawi dambubininggas atma, At Ala inis mondok siyabelagwi o,” yiluk, yagan wagagwa.

Yugugu lagagimu, At Yesus en, “Hat ogo hombao Averakam Ala ovaga vanggabaluk avyarat imbitigi ako hak, hat yogak An novaga vanggabaluk avyarat nembeten andi vaga, hat haburi hinim yogak yi vaga Ala en henagap wendakhinipas.

Yo vaga inggigirik werekma, At Yesus andenam ari wagya lagagirik, il ilik lagya dugwit, “Sakius wai. Yogak An hat hamwa laup imbitirikmu, hodo wambuma.” Yugugu lagagimu, Sakius ako mbikit yo vaga en wambu wagya lagagirik, heyaga wakbaluk, endawi sek vaga amwa lagagwa.

Yugu lagagwama, at Sakius en it wisane inivaga Nenowa Yesus yugugu dugwit, “Ai Nasin. An nangge-nangge higirogo ap ininggidek halok, wogerayogon. Eke, ap yewes okbugu lagi ako, enangge ambi dek okbugu lagi halok, avoloma 4 hudi wogirigya, ap ambi adik angge dek okbugu lagi halok, avoloma 4 hudi wogirigya, ogarisogon o.”

Yagan wagwi ako, it Varisi menda ninen avakwa wisane wonggalari wagagwa ako enanggelekma en Yesus yugugu dugwit, “Ngguru wai. Hane welagwi menda yi, mbereran.” Yugugu lagagwama, Yesus en, “Avyak! It avakwa yi, enane yegetek duklipmu en, helep yi, Ala inis siyabagu duklip, yiluk, yukheraliga,” yugeragagi.