Popular Bible Verses from Yohanes 15

Share

Koi:‑mo ti linamung anggoroꞌ, pang dio se ti karumpenganna. Tau ung pàraꞌ i Koi:, pang Koi: pàraꞌ i dea, bosoa hoana. Hampoꞌ ìna u missaraka se nai Koi:, hang hela‑ko dosse: mampukauꞌ aka-aka.

Pàraꞌ‑ko se i Koi:, pang Ku pàraꞌa ho i dio se. Besa karumpenga hang hela‑ida hoa: i dang pàraꞌ‑i i hatangna. Mène: ho ti dio se, hang hela‑ko se mahoa: i dang pàraꞌ‑ko se i Koi:.

Ìna u pàraꞌ se i Koi:, pang suaKu pàraꞌ i pinanahammu se, palau‑ko se aka teng ti ung nu pumio: se pang nipukauꞌa matung.

Hang dio‑ko dosse: ti ung mampilei‑Kaꞌ, sangadinna Koi:‑ko ti ung mampilei‑ko se pang mampatantu‑ko se mangking u lumao mahoa:, hoa: ung pàraꞌ, pang mangking aka teng ti ung nu palau se mao i Ama: i laling konaKu, u Na hengi‑ing.

Hari: kamalemuang ung làbi lammuꞌ nai malemunna tau ung mampehea katuhoangna sàbaꞌ sekona.

Nasang karumpengangKu ung dang hoa:, Na esing, pang nasang karumpenga ung hoa:, Na pikalidii: mangking làbi mahoa: kang ho.

Dea‑mo te ti parentangKu, Sipulemu‑ko se, mène: u Ku pulemu se.

Sàbaꞌ, ìna u miluhali se pasikolaKu ung mahoa:, kamalabiꞌangna AmangKu nipupiitaa.

Musua: kang ho ti Yesu teꞌ, “Koi:‑mo ti linamung anggoroꞌ ung tongang, pang AmangKu ti pumpukinete:.

Tau ung dang pàraꞌ i Koi:, niesing, mène: karumpenga niesing nai hatangna. Karumpenga to miluhali màlo, màli: nikobu:‑i pang nitibe mao i api.

U Ku pusua:‑ing se nasang te mangking u korai: se ti kahakaangKu i laling pinanahammu se, pang mangking kahakaangmu se miluhali kànaꞌ.

U pàraꞌa se i malemungKu ìna u mantoroꞌi se parentangKu, mène: Ku mantoroꞌi parentanna AmangKu, pang Ku pàraꞌ i malemunNa.

U Ku parenta‑ing se nasang te mangking u sipulemu se.”

Ìna mènena to moa teꞌ u nai lino se, baꞌ u na pulemua se lino. Hampoꞌ u na pukàrang se, sàbaꞌ u Ku pilei‑mo se pang hang dea‑ko se hura: ung nai lino tee.