Popular Bible Verses from Tegagia 22

Share

I Burahima numeeakono po'ianga atuu, ”Ondae i UE mompatinda,” kana dompotae mia hawe kanandio-andio, ”A wawo ntorukuno-Do i UE, ta pinatinda.”

Mepau Ira, ”Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.”

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

Sumangki i Burahima, ”Ondae Ue Ala anu mompatinda ana bimba weweua pesomba tinunu tia-Do, Anaku.” Kanandiomo dopelempa orua ira meronga-ronga.

manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido. Molalo inulemu luwuno tongku i tolino ira mpohawe ronso, hangano omue momperorongeako pau-Ku.”

Umarino gagi luwuno atuu, Ondae Ue Ala umarahakono i Burahima. Mepau Ira ndi onae, ”Burahima,” ka i'amba sumangki, ”Oo Ue.”

Sine mebooliomo Mala'eka-Do i UE inso i langi ndi onae, ”Burahima, Burahima!” Sumangki i Burahima, ”Oo Ue.”

Anu kompenduano Mala'eka-Do i UE mebooli inso i langi ndi Burahima, Pau-Do, ”Ongkue mesumpa a ngkoroi-Ku,” kanandiomo pau-Do i UE, ”hangano moweweukomo kanandio, ka omue nahi nanta-nanta meweengakono anamu anu asa-asano ndi Ongkue

Ka do'amba hawe a mpo'ianga anu pinau-Do Ue Ala ndi onae. I Burahima mowangu meda pontunua pesomba i ra'ai, motudao keu, ponguo i Saki, anano, ka inaao a meda pontunua pesomba atuu, i wawono keu pontunu.