Popular Bible Verses from Luc 6

Share

Bophèke bato beka na bango taphè beni dyòkò; bango taphè beni momeko monyòngò na momeko mwango babiyikinya, na mwango babiningiza na mowonga o mabòkò ma beni, tonga na momeko mwango beni bomekaki, tameka na beni mwango dyòkò.

Moto monyòngò atubize mawò manyòngò o ch’a mwe monyòngò ma wango, na moto mobè atubize mawò mabè o ch’a mwe mobè ma wango; beka byango bitondize motema muna molobe tonga na byango.

Ko, bodingaka bakoncha bango bayine kò, bokielaka ekielele enyòngò, bobèkizaka bwabona, tòchenizake bwe bango tabutiza beka ba beni. Kobona iwut’a beni tidyala inè, na beni todyala bana ba Mwe ikolo, tonga wango anyeze na bakoncha bango badi ophè ingòko ka, nà na bango badi babè.

Bodyalaka n’elumba ko Chango a beni adi n’elumba bona.

Tochambake bato botòtè o beka byango bidi o ch’a mitema ma bango, ko beni bochambe ba bango bona nà bango tachamba nà beni. Tokindelake bato nà bango tikindeli beni, bophèke pardon na bango taphè beni pardon.

Ko beni bakoncha bango bawoke, nga lobe na beni bwe: Bodingaka bandoli ba beni, bokielaka nonyòngò na bakoncha bango bayine beni. Bochangizaka bakoncha bango bakindele beni, na bochambelaka tonga na bakoncha bango bachoko beni.

Beka byango k’òdinge bato bakiele na kò ophotaka bokiele byango na bango elenge ko yango.

Moto aphè kò iphakata o itama dyò, ochekolaka na dina. Mo moto awongole kò chimichi, tonyimake wango nà kachaka. Phè beka ba kò na bakoncha bango bayonge na kò bachò, koncha ekwa eyek’a kò, toyengake yango na wango.

Molange mwango modi monyòngò oyicha bobote mpuka ibè ka, na molange modi mobè oyicha bobote mpuka inyòngò ka.

Bato tayeba milange michò n’elenge a mpuk’a myango. Bato oyimba chabu o molange ma milò ka, na iyo nyongè o moloncho ka.