Popular Bible Verses from Juan 2

Share

Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

Li Jesuse jech laj yalbe: —Ants, ¿c'u yu'un ti vu'un tal avalbune? yu'un mu'yuc to ta sta sc'ac'alil chcac' ta ilel li jvu'ele —xut.

Li Jesuse jech laj yalbe li j'ac've'liletique: —Nojesic lec scotol li yav vo'e —xut. Jech lic snojesic lec c'alal ta sti'. Li Jesuse jech laj yalbe: —Lupic batel, bat ac'beic li boch'o sventainoj q'uine —xut. Jech la slupic batel.

Itac'ov li Jesuse: —Vuq'uesic li ch'ulna li'i, ta oxib c'ac'al ta jcha'va'an —xut.

Li Jesuse lic sts'ot lec ch'ojon, ja' la sloq'ues o scotol te ta ch'ulna. La sloq'ues c'alal ta chijetic, ta vacaxetic. La sbutq'uinbe xmexaic noxtoc li jeltaq'uinetique; te la stanibe comel li staq'uinique. Jech laj yalbe li jchonpalomaetique: —Loq'uesic batel scotol li'i. Mu xapasic ta snail ch'ivit li sna Jtote —xut.