Popular Bible Verses from Juan 5

Share

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

C'alal laj yil Jesús ti te mochole, la sna' ti ep xa jabil jech ip cha'ye, jech la sjac'be: —¿Me chac'an chacol? —xut.

Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc. Pero mu xac'an xatalic ta jtojol ti jech xu' chacuxiic o sbatel osile.

Li Jesuse jech laj yalbe: —Lican, balo batel apop, xanovan —xut. Ta ora no'ox icol li vinique. La sbal li spope, ixanov batel. Ja'o sc'ac'alil cuxub o'ntonal ti jech ic'ot ta pasele.

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.