Popular Bible Verses from Juan 7

Share

Li boch'o ta xch'un ti vu'un ta jcoltae ja' jech ta xc'ot ta pasel jech chac c'u cha'al ts'ibabil ta sc'op Diose: ‘Li yut yo'ntone ja' jech ta xc'ot jech chac c'u cha'al nio' ti te xcholchun o ya'lel scotol c'ac'ale’, xi ts'ibabil —xi li Jesuse.

Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Mu me xatiq'uic mulil ta ora no'ox ta sventa c'usi chich' pasel. Ja' tsc'an chaq'uelic lec ta melel me oy li mulile —xi li Jesuse.

Li boch'o ja' no'ox chal c'usi oy ta yo'nton stuque, yu'un ja' no'ox tsa' ich'el ta muc' stuc. Yan li boch'o ja' chac' ta ich'el ta muc' li boch'o itacat tal yu'une, ja' melel li c'usitic chale; mu'yuc ta yo'nton ch-epalc'opoj.

Li Jesuse jech laj yalbe: —Muc vu'cun jc'op ti li' ta xcac' ta chanele. Ja' sc'op li Boch'o la stacun tale.

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.