Popular Bible Verses from Lucas 14

Share

“Li boch'o tsc'an chtal ta jtojole, me mu comtsanbaj xa'ay li stot sme'e, li yajnile, li xnich'nabe, li xchi'iltac ta voq'uele, xchi'uc li xcuxlejal stuque, mu xu' chcom ta cajchanc'op.

Li boch'o mu sc'an xq'uech scruz sventa chists'aclinune, mu xu' ch-och ta cajchanc'op.

Yu'un li boch'o muc' chac' sbaique, ta sbic'tajesatic. Yan li boch'o biq'uit chac' sbaique, ja' ta x'ac'atic ta ich'el ta muc' —xi li Jesuse.

Ja' no'ox jech ec li vo'oxuque, me oy boch'o mu xu' yu'un tscomtsan scotol c'usitic oy yu'une, mu xu' ch-och ta cajchanc'op.

Jech chac c'u cha'al li boch'o tsc'an tspas toyol q'uelub-osil yu'une, ba'yuc ta snop c'u yepal taq'uin ta xlaj yu'un ta scotol, xchi'uc tsc'an tsq'uel me oy yu'un scotol ti c'u yepal tsc'an ti c'alal to chvu' oe. Yu'un me mu snop lec ba'yuque, me laj xa sliquesbe snaclebe ts'acal ta xquechan, yu'un chil ti mu xu' yu'une, jech ta xlic labanatuc yu'un li boch'o ta xilique. Jech chalic: ‘Q'uelavil li vinique, la sliques spasel li q'uelub-osil yu'une, pero muc xu' yu'un’, xi sc'oplal.

C'alal cha'ic'van ta ve'ele, ja' xavic' li me'onetique, li boch'otic motmot sc'obique, li coxoetique, xchi'uc li ma'satetique. Jech chayac'bot bendición li Diose, yu'un mu xu' yu'unic spaquel. Jech chavich' amoton c'alal chcha'cuxiic li boch'otic tuc' yo'ntonique —xi li Jesuse.

“Li ats'ame oy lec stu. Pero me ch'ayem xa xchi'ile, ¿c'u x'elan xu' ta xchi'um yan velta? Mu xa xyaxubtas o banamil, xchi'uc mu xa xtun sventa tsc'a'es c'usitic chtun ta sventa xyaxal banamil. Jipel xa chbat o. Boch'o oy xchiquin ac'o snopbe smelol”, xi li Jesuse.