Popular Bible Verses from యోహా 16

Share

మార యందు తుమ్న సమాధనం హువాఖార్కు ఆ వాతెవ్నా తుమరేతి బోలుకరస్‍ ములక్నా తుమా మినాత్‍ పడ్సే మే ములక్నా జైన్చుకరుస్‍ కరి బోల్యొ.

బుజు యో, కతో దేవ్ను హాఃఛినా మాలంకరవాతె ఆత్మ ఆయుతో తుమ్న స్వరసత్యంమా ఛలావ్సే; యో ఇనుయోస్‍ సాత్బి నాబోధించీన్‍ కెహూ హఃమ్జస్కి ఇనాస్‍ బోధించి జర్గజాసెతే సంగతుల్‍నా తుమ్నా మాలంకరసే.

హంకేలగు తుమే మార నామ్తీ సాత్బీ మంగ్యా కోయిని; తుమారు ఖూషి పరిపుర్ణం హువఖార్కు మాంగో; తుమాన మల్సే.

అజు మే తుమారేతి హఃఛిస్‍ బోలుకరూస్‍ మే ఛలిజావను తుమ్న అష్యాల్‍; మే ఛలిగొతో మద్దత్‍ కరవ్వాలు తుమారకన కోఆవుసేని; మే గయోతో ఇనా తుమరాకన బోలిమోక్లిస్‍ యో ఆయోతెదె పాప్నా గూర్చిబి, నీతి బారెమాబి, బుజు దేవ్ను న్యావ్‍ను గూర్చి, ములక్ను అద్మియెనా ఒప్పిలేవా హఃర్కూ, కర్సే.

ఇమ్నితరాస్ తుమేబి దుఃఖాపడుకరస్‍ పన్కి తుమ్న బుజే చోట్‍ దేక్యో తెదె తుమారు దిల్‍ ఖూషిహుసె, తుమారు ఖూషినా తుమారకంతు కోన్బి లిసేకోయిని. యో ధన్నే తుమే కినా గుర్చిబి కోపుఛ్చవుసుని; మే తుమారేతి హాఃఛి బోలుకురుస్‍ భా న తుమే మరానమ్తి సాత్బి మాంగ్యతోబి యో తుమ్నా మల్సే.

తుమే రొవ్వాస్‍ పన్కి ములక్‍ ఖుషిహుసే; తుమే దుఃఖాపడుసు పన్కి తుమారు దుఃఖామ్‍ సంతోషం హోనుకరి తుమారేతి హాఃఛితి బోలుకరూస్‍