Popular Bible Verses from Mga Binuhatan 7

Share

Ag tag ginabinato nanda si Esteban hay nagpangamuyo imaw, “Ginuong Jesus, batuna ro akong espirito!” Nageuhod dayon imaw ag nagsinggit, “Ginuo, ayaw man sanda pagpapanabta ku saea ngara!” Pagkahambae nana kara hay nabugtuan dayon imaw it ginhawa.

Hambae it Dyos, ‘Ro eangit hay akon nga trono, ag ro kalibutan hay tueungtungan ku akon nga mga siki. Anong klasi nga ilistaran pa gid abi ro inyong ipatindog para kakon? Ano pa gid abi nga paeahuwayan ro bagay kakon?

Nagsilinggit it mabaskog ro mga myembro it *Sanedrin ag ginpangtakpan nanda ro andang dueunggan agod indi nanda mabatian ro ginahambae ni Esteban. Dinaeagan dayon nanda imaw tanan ag pinuko. Ginuyod dayon nanda imaw paguwa sa syudad agod batuhon hasta mamatay. Ro mga ginpili nga mga saksi kuntra kay Esteban hay nag-uba ku andang mga pangsanib ag ginbutang rato sa may siki it sangka miron nga si Saulo ro ngaean.