Popular Bible Verses from Lucas 10

Share

Tandai ninyo ra. Gintaw-an ko eon kamo it gahom agod perdihon ro mga maeain nga espirito pareho it gatapak sa mga sawa ag tibaba. Perdihon ninyo ro tanan nga gahom ku aton nga kaaway nga si Satanas, ag owa gid it bisan ano nga sarang makahalit kinyo.

Pero nagsabat ro Ginuo, “Abi gid-a si Marta ngara. Kon ano-ano't-a ro imong ginakabangtan ag ginapalitikan it ueo. Pero sangka butang gid lang ro importanti ag ruyon ro ginpili ni Maria ag indi ko ron igdimot kana.”

Nagsabat ro maestro, “Nasueat nga, ‘ Higugmaa ro Ginuo nga imong Dyos sa bug-os nimong tagipusuon, sa bug-os nimong kabubut-on, sa bug-os nimong kusog ag sa bug-os nimong paino-ino. ’ Nasueat man nga, ‘ Higugmaa ro imong isigkatawo pareho ku paghigugma mo sa imong kaugalingon. ’ ”

Bago nana sanda ginpapanaw hay ginbilinan nana sanda, “Kaabo-abo kunta ro tawo nga gustong magtuo kakon pareho it gianyon nga bugana pero kueang ro manog-ani. Ngani pangamuyo kamo sa Ginuong Dyos, nga tag-ana it gianyon, nga padaehan nana it mga manog-ani ro anang aeanyon.

Ginpangutana dayon ni Jesus ro maestro it Kasuguan, “Kon kimo, sin-o sa tatlo ngato ro nagpakita it matuod nga paghigugma sa ratong tawo nga gin-eambangan it mga buyong?” Nagsabat ro maestro, “Tag ratong nagkaeuoy 't-a kana ron.” Naghambae si Jesus kana, “Kon mawron hay makaruyon man permi ro imong himuon.”

Sige, panaw eon kamo. Pero mag-andam kamo ay ginapaadto ko kamo sa mga mapintas nga tawo ag ro inyong kapareho hay mga tiyo it karnero nga ginpadaea sa lugar nga abo ro mga mabangis nga sapat.