Popular Bible Verses from Mateo 7

Share

Naghambae pa gid si Jesus, “Magpangayo kamo permi sa Dyos ku inyong kinahangeanon ag itao nana ron kinyo. Usuya ninyo permi kon ano ro inyong kinawaea ag buligan kamo nana nga makita ron. Panuktok kamo permi sa anang pwertahan ag buksan nana ron para kinyo.

Dahil ro tanan nga nagapangayo hay makabaton, ro tanan nga nagausoy hay makakita ag ro tanan nga nagapanagbalay hay pagabuksan.

Nagpadayon si Jesus it pagturo, “Ngani tumana ninyo ro akong ginaturo ngara, ay ro tawo nga nagapamati ag nagatuman sa akon nga mga ginhambae hay pareho it maaeam nga tawo nga nagpatindog it baeay nga ro pundasyon hay nakabangot it mayad sa dalipi.

Ngani himua sa imong isigkapareho ro tanan nga gusto nimo nga himuon nanda kimo. Ruyon ro buot hambaeon ku tanan nga una sa Sagrado nga Kasueatan it Dyos nga ginsueat ni Moises ag ku mga propeta.”

Pero ro pwertahan paadto sa kabuhi nga owa it katapusan hay makitid ag ro daean hay malisod, ngani sangkiri ro makakita ku aeagyan paadto idto.”

Naghambae si Jesus, “Sueod kamo sa makitid nga pwertahan bukon it sa maeapad tungod ro pwertahan pasueod sa impyerno hay maeapad ag ro daean paadto idto hay maeumo ngani abo ro nagasueod sa pwertahan ngato.

Kon kamo nga mga maeain hay nagatao ngani it manami sa inyong mga unga, mas kapin pa gid ro inyong Ama sa eangit. Itao nana ro mayad sa nagapangayo kana.

Nagpadayon it pagturo si Jesus. Hambae nana, “Ayaw magpanghusgar agod indi man kamo paghusgaran it Dyos. Kon mauno ro inyong paghusgar sa inyong isigkapareho hay makaruyon man ro paghusgar it Dyos kinyo. Kon sa taeaksan ron, ro taeaksan nga inyong gin-gamit sa iba hay imaw man ro gamiton it Dyos kinyo.

Pero ro tawo nga nagapamati ku akon nga mga ginaturo, ugaling owa man nagatuman kara hay matsa kaumangon nga nagpatindog it anang baeay nga owa nagkutkut it madaeom kundi ginpatindog eang nana rato sa baeas.

Ham-an it hakita nimo ro kaisot-isot nga puling it imong isigkapareho pero indi nimo mapan-uhan ro puling nga matsa tablon it bahoe sa imo mismo nga mata? Paalin ka makahambae sa imong isigkapareho nga ‘Abi, bue-on ko ro kaisot-isot nga puling sa imong mata’ pero ikaw ngani mismo hay may tablon sa imo nga mata?

Naghambae si Jesus, “Mag-andam gid kamo sa mga nagapakuno-kuno nga mga manogturo ku mensahi it Dyos nga nagaadto kinyo. Nagapakuno-kuno sanda nga mga mabuot pareho it karnero pero mga mabangis gali pareho it mga bang-aw. Masayran ninyo kon ano gid sanda paagi sa andang buhat. Pareho sa kahoy nga makilaea ninyo paagi sa bunga. Aeang-aeang ma't-a nga makapu-pu ka it ubas sa kasiitan o makapu-pu ka it higera sa aroma.

Ro manami nga kahoy hay nagabunga it manami pero ro masakiton nga kahoy hay bukon it sadyaan ro bunga.

Indi magbunga it owa't sayod nga prutas ro manami nga kahoy ag indi man magbunga it manami ro masakiton nga kahoy.

Ro tanan nga kahoy nga owa nagabunga it manami hay ginapukan ag ginagatong.