Popular Bible Verses from Muuduko 41

Share

Toro kuudoka tovi Joosepol Feroo toollu kuudokaikono. “Awiyo, nuvnokwe toonyu ku'nono magudumonyugono. Toro kuvi kuruv Gooti toolno'gwowi gumi gujumo'nono tovino kavlo tov nokwo gudonekono. Toro gudodowo'jure tovida'ai kavo nokwo mwalbinekugono.” Kuudokaikono.

Toro ibwosuno'mno Feroo tool gami a'mwo aguto toorai aro kuudokaikono. “A'mwo akal Gooti toolluro Kuullo tool kuulomwalodowodekono. Toro toolbusuko gabovo pwollu nokwo yo'mgonomaranonoldukono? Awiyo, a'mwo akalbusuko pwollu ku'nono miyo'mgonomaranonogano.” Kuudokaikono.

Toruda'ai Feroo tool Joosepollu kuudokaikono. “Gooti tool yiuwi'nokai nyumo'nono tonyuno gumi me'no aguduuwallumokaikono. Aki guvubusuko a'mwo pi'mwo kuudokwe pwol nonagutomuugono. Toro tovino tov moro kantri akavi mido mollomwallo'mo mogudapimekugono. Toro tookuji moro yiuwi'nokai a'mwo abolo ton gumi dogalo tomuu mwalopi gumjunpinogano. Nuu Feroo toonyuno tov judo toonyu gumi mido mollogumwalmonyugono.” Kuudokaikono.

Aki kwolaiyo lukomguda'ai pwollu sawosunokaikono. Toro toollu wonyuno sumaiyokwe aro sajunokaikono. “Nuu kwako akaru jul'nyo pun amaro kuvi kuruv Gooti tool nyo'mwojodowo kwolaiyo akarallu sawosunmono.” Toro yajunyuno sumaiyokwe kwolaiyo lukomguda'ai sawosunoka toolluno Efreyumolo sowarokaikono.

Toro te Joosepol gami kwolaiyo muudu'no sawosunoka toollu wonyuno sumaiyokwe aro sajunokaikono. “Oo Gooti tool nyo'mwojoduke tovida'ai moro tabunyu togai'aro moro nyunumiyago toolluro iko tovasuda'ai togai'aro tonyuno kuudo me'no yallulo'gwonodumdonyugono.” Toro sajunoka tovino tov gami kwolaiyo muudu'nodo toolluno yovo tov Manaseyolo sowarokaikono.