Popular Bible Verses from Joon 13

Share

Toro te aga moro loowo muuduko tov kemi aro aikullamono. Kevu kemida'ai yiuwi'nokai pwolno pwolnodo tooraino kalo buuropino neya domollogaulo. Nuu kemino kalo buuropino nyunodowodo to'busuko kubalno kev kworekul kuruv kemida'ai yiuwi'nokai pwolno pwolnodo tooraino kalo buuropino neya domollogaulo. Kevu kemida'ai yiuwi'nokai pwolno pwolnodo tooraino kalo buuropino kuvinono amollupi toorekullu yiuwi'nokai a'mwo abolo kwako akavi mwalodupudo ton ikwonopi kuudo yaikuupinogano. Oo a'mwo su tooro Jisasolluro uumjunyokwe toorodeyo. Kuudo yaikuupinogano.” Jisasol toro kuudokaikono.

Toro te nuu kemi Aguto ikullumo'nodumdonyugono. Aki kemi ibwasokwe ikullumo'nodumdonyugono. Nuu su toro ikullumo'nodumdo kwonyu kuruv kwako tomuu'aro bwolomorumwogapinodam kemoro suvlo tonyu wonyo tokwe amollaikul'mo'monyugono. Su toro to'busuko kubalno kevu kworekul kuruv kemida'ai gabovo tooravuro suvlo tonyu wonyo tokwe neya jal'movogaulo. Nuvnokwe toonyu kemi kwako tomuu'aro abwolomorumwogapinumo su tov kemi me'no aikuduuwallumokwono. Toro te moro me'no aikuduuwallumo su to'busuko kubalno kev kworekul kuruv a'mwo abolo tonyu aval'no neya domollogaulo.

Toro kuudoka tovi Jisasol aro kuudokaikono. “Moro sumwako akavino kavlo tov aga toga guu kuudo miyau'mwakuno. Toro kuvi kuruv lukomgu toga'no'gwowi moro sumwako akavino kavlo tov guu kuudo kuvinono nyouroma'binekugono.”

Toro te nebal'no kuunodo aro ikudumo'mokwono. A'mwo ki'nato womdokwe pwol gami a'mwo aguto toollu muunyu toru'aro muuwolo'mdowodekono. Aki a'mwo kuurotokwe pwol gami amorapiyo'ji toollu muunyu toru'aro muuwolo'mdowodekono.

Kevu moro pasudo aikuduuwallumo su tonyuno kuudo me'no souroma'maporekikono. Toro tovino tov kevu pasudo su tonyu kuvinono kuumjunpi tov kemi poowokalago togai ilaiyo ibwosunpinorekikono.

Toro tool wosamujuko nomwalno sumaveyokwe ilodavo'no gamoro youro kumi'yago tov adowiyosokaikono. Toro dowiyosuno sumaiyokwe laplap tov gami muulo toru amogullosokaikono. Me'no mogullosuno sumaiyokwe wonyo pun dis puvi kimowoso'no gami uumjunyokwe pwolno pwolnodo tooravuro suvlo tonyu amollal'movokaikono. Toro mollal'mo'mno sumaiyokwe laplap agullosoka tov ikwolomaro'no gami uumjunyokwe tooravuro suvlo tonyu guruko amollaurokaikono.