Popular Bible Verses from Yohanese 11

Share

De o Yesusu wotemoli munangika wato, “Ngohi naa o momomiki de o wowango, onagona dika ihingaku Ngohino ngaro yohonengoka ma ahao yowangoli. De onagona dika yowango abe ihingaku Ngohino, ona ko yohonengua ka hiado-adonika.” De womileha munangika wato, “Nako ngona naa ka nongaku?”

De o Yesusu wopaluhu munangika wato, “Marai ngona nawohangoka abe tonihingahu kangano, tato nako ngona nangaku ahao namake Ma Jou ai medebini ma dararono?”

De gea o Yesusu woarioka.

De gea manga hingahu o Yesusu woihenoka de ahao Unangoli wohidingoto ai demo onangika wato, “Ngaro iwigogama nia iranga gea masara ko wohihonongaua hiadono wohonenge. De angamoi o panyake abe iwidaene la ahao idadi Ma Jou ai buturungu wahimatoko o nyawaika hiadono iwigorakiye. De Ma Jou ai Ngofakoo ahao Unangoo iwigorakiye ma titi to Unangoo ai kuaha ilaku.” Hokogea o Yesusu ai babaluhu ma demo.

Ho ka de ai gogahoko gea ipaha de o Yesusu duru waamo-amokiye wiahoko, wato, “Lasarusu nohupuino!” De o Lasarusu ai lungunino wohupuoka. Masara ai giama de ai lou mata-mata adeho-dehorinohi de o ngoere ma belaka, de ai peaoo adehorokahi de o ngoere. De o Yesusu wahuloko onangika wato, “O ngoere gea niwihoheoka la niwihiluasika!”

De gea o Yesusu o Lasarusu ai lungunoka waika de ai hininga duru ihuhaholi. De o lungunu gea o aruku ho ma biono gea atatokoka de o hakaru ma amoko.

Hokogea o Yesusu wotemoka de ahao wahingahu onangika wato, “Nanga dodiawo o Lasarusu womaiduoka. Masara naa Ngohi toiki unangika la titumomiki.”