Popular Bible Verses from Maruku 4

Share

Ho o Yesusu ka womomiki de wataere o hidalokika de wotemo ma ngootika gea abe wato, “Nomatogumoka de noriidoka!” De o hidaloko imatogumoka de ma ngooto gea duru iriidoka. De ahao watemo iwinii-niikika wato, “Ho ngini naa, adodoa ho naga nia hawana? Ho mode ngini ko iwahi nia ngongaku Ngohino?”

De iwinii-niiki gea duru yokokihawanoka de yomakoketemo ato, “Adoo! Una naa ka onaguna? Abeika Una ai buturungu! Ei! Ai kuaha gea o kiaino hiadono o rato de o akere ma ngooto iwihingounu hokogea?”

Masara o Yesusu iwikiookoka, o ngotiri ma duruoka womapanginiye. De iwinii-niiki iwitumomiki de yotemo ato, “Guru, ngone naa hobinaaha de ko nomalegaikaua?”

De ahao wato, “Abe ma demo niihene, gea kiani nitotoihene de nimafikiri! Ho nako nitotoihene, gea ahao nia tobahioriki ka idogo. Nia tobahioriki idogo de ahao ma titi utuohi ka idadi niataoko itiai.

De ahao ma moioli wohiketero o Yesusu, masara nena de ahao wohiketero abe ma titi Ma Jou wonahikoano. Ho wotemo onangika wato, “Abe Ma Jou wahikoano o nyawa ka idadi tohiketero hokonaa. Naga womatengo ai bibiti wohikabarihuku o tonakuku. Wohikabarihi ibooto de o futu-futuiye womaidu de o wange-wangeiye womomiki, de ipaha ahao ai bibiti ikokipotokaiyeoka, de ipaha de ikokurutiyeoka. Masara una duru ko wohiorikua hokokia abe iwangoiye.

Ho nginioka onagona dika abe de nia ngaukoka, kiani nitoihene la ma titi niataoko itiai.”