Popular Bible Verses from Matie 5

Share

"Ne 'wa yi bhɔ 'napɛ 'yli 'di "ne 'wa 'yi bhɔ nyidɛ 'wlime 'gbli? 'Bhɔ, "nɔgɔ "ku 'wa glɛ -lɔ "ne 'ɛ 'lea -lɔ -bhudu "me 'na konya 'klekle "ku. "Ɛ sɛbhele -wɛ, 'anyɛɛ zle lea- -me 'nyakpa "ku, -se 'wa "kɛ 'anyɛɛ -li 'na -li -ye 'a no -wɛ 'ylime 'ye, -se 'wa "kɛ -a To Lagɔ -ɔ -ko "nɔgɔ "me -wɛ 'ŋlu kwa-.

'Anye -noɔ -lɔ dodo ne "ku 'na -zle 'waa, 'du 'na -ɛ -ko tlo "yitɛ 'vli -wɛ, 'ɛ yi bhɔ "ku zizɔ- 'a?

-Wa 'je- 'wayi Lagɔ kɔ gou -wɛ, 'ŋwɛnɛ "lɔbhoa, "Naa-, 'wa yi 'ce Lagɔ 'ylime 'ye.

'Ŋwɛnɛ "lɔbhɔ -ye ŋɔŋo "ne 'ŋuto 'lɔbhɔ Lagɔ 'na "meŋwinɛlezikpɛ za -wɛ, "naa-, 'wa yi 'ce lo!

-Mɔ, -ame 'e bhulɛle 'anye nɛɛ: 'A wamale- 'anyɛɛ -gblenya -se 'a bhubhɔ- -wa ziɛ 'anye 'nyɛze -wɛ za.

«'Ŋwɛnɛ "lɔbhɔ -ye 'dlezɔ -ko foo, "naa-, Lagɔ 'na 'Kamalezikpɛ 'wanɛɛ yɛ -lɔ.

-Wa gbɔ "ne "kuwɛtɛ -le -wɛ, 'ŋwɛnɛ "lɔbhoa, "Naa-, Lagɔ yua 'ce 'ɔnɛɛ yua la.

-Wa 'tu -wɛ, 'ŋwɛnɛ "lɔbhoa-, "naa-, Lagɔ yua 'ce 'ylime siɛ.

-Ye 'wa ziɛ 'nyɛze Lagɔ 'na "meŋwinɛlezikpɛ za -wɛ, 'ŋwɛnɛ "lɔbhoa, "naa-, "nɔgɔ-klɔgbɔ 'wanɛɛ yɛ -lɔ.

-Wa -kɛ 'nyɛzedle -wɛ, 'ŋwɛnɛ "lɔbhoa, "naa-, 'wa yi 'ce 'wanɛɛ 'nyɛzedle "pɔ me.

'Ŋwɛnɛ "lɔbhɔ 'anye, -sɔɔdɛku 'wa 'yli 'anye, 'wa ziɛ 'anye 'nyɛze "ne 'wa 'gbli 'anye gbagba -gbo 'wlime 'neɛ za -wɛ. 'A 'vluvlule- "me, 'a "kpa "me 'ŋwɛnɛ za, "naa-, 'peɛleɛ "yitɛ -wole 'anye "nɔgɔ "me! "Ɛ soɔ 'wa -zia 'awɔ -lɔ bhlɛme "guɔkwɔmenya 'nyɛze.»

-Wa 'nɛne- 'dleku -wɛ, 'ŋwɛnɛ "lɔbhoa, "naa-, 'wa yi 'ce dodo yle- Lagɔ 'na "nyɛnyɛ -bɛɛ' "ku.

'Anye -noɔ -lɔ dodo ne "ku 'na jibhi 'waa. -Mɔ, jibhi "mɔ -da 'nu -kɛ ne, -see 'wa 'cɛ bhɔ 'lelee jibhi "zoa-? 'Bhɔ, 'ɛ "ne -la -bɛɛ' "me -ko, 'wa 'yi 'kwlɛ "me 'mɛne- "ne 'nyakpa 'yi "ku 'nɔŋɔle-.

Zaa, 'anye, 'a ko -kpee, -see 'a To -ɔ -ko "nɔgɔ "me -ko -kpee -wɛ.

-Neɛ' -ɛɛ, 'ɛ "zo -ɛɛ, -neɛ' 'bhɔ, 'ɛ "zo 'bhɔ, -ɛ yi -la 'beme -wɛ, sata "me 'ye 'ɛ 'bhale -lɔ.»

«'A 'no- 'awɔ "me nɛɛ: -Eluyu kɛ -eyi glɛ nu -sɛ, -sɛmo glɛ nu. 'Ɔ kɛ -neɛ' 'yli -wlɛ, wlɛ -me 'ɔnɛɛ. -Mɔ -ame 'e bhulɛle 'anye nɛɛ: -Ɔ -gble -eyi -wɛ 'to -kɛ gble -me, -mɔ -ye 'a "kɛ lɛ no -tiaa 'ɛɛ ne lɛ: 'Nyɔkpɔ kɛ -neɛ' lilikwlɛ -takpe kwlɛ 'pɔ-, tuɔ- -me 'lelee kɔpɛ -takpe.

-Neɛ' lilikwlɛyli kɛ -eyi 'nyinyonoli noa- ne, -sɛ "bhle, -se "pɛ 'kwlɛ "me. "Naa-, -neɛ' ku 'na 'cibhɛ "kɛ 'kwlɛ bhli 'ɛ 'nɛne "ne 'ɛ -zi -e "kɛ "ku 'tuɔle- -se -e "kɛ -kosu "me me "ku. "Ne -neɛ' lilikwlɛsɔ kɛ -eyi "nyinyoli noa- ne, 'di "ku -se "pɛ 'kwlɛ "me. "Naa-, -neɛ' ku 'na 'cibhɛ "kɛ 'kwlɛ bhli 'ɛ 'nɛne "ne 'ɛ -zi -e "kɛ "ku 'tuɔle- -se -e "kɛ -kosu "me me "ku.