Popular Bible Verses from A Cakacaka 5

Share

Sa qai vosa ko Petero kei iratou nai apositolo, ka kaya, Sa kilikili kei keitou me talairawarawa vua na Kalou, me kakua ga vei ira na tamata.

Ia e na veisiga kecega e na vale ni soro, kei na veivale kecega, era sa sega ni mudu ni vakatavuvuli ka vunautaki Jisu Karisito.

A sa kaya ko Petero, Anania, e vakaevei ka sa vakasinaita kina na yalomu ko Satani mo lasu vua na Yalo Tabu, ka vunia e so nai voli ni vanua? Ni sa tu ga eliu, sa sega li ni nomu ga? ia ni sa volitaki oti, o sa sega li ni veitalia ga kina? e vakaevei ni ko sa nanuma kina na ka o qo e na lomamu, ne? o sa sega ni lasu kivei ira na tamata, vua ga na Kalou. Ia ni sa rogoca ko Anania na vosa o qo, sa bale sobu, ka ciba: a ra sa rere vakalevu kina ko ira kecega sa rogoca na veika o qo.

Ia o qo, au sa kaya vei kemudou, Dou kakua soti ni kitaki iratou na tamata o qo, dou laivi iratou ga: ia kevaka e ka mai na tamata nai naki o qo se na cakacaka o qo, ena vakarusai ga: ia kevaka e ka mai vua na Kalou, dou sa sega ni vakarusa rawa; de dou na kunei beka ni dou veivala kei na Kalou.