Popular Bible Verses from Luke 11

Share

Ia kevaka dou kila, koi kemudou sa yaloca, me solia na ka vinaka vei ira na luvemudou; sa qai dina vakalevu cake, ni na solia na Yalo Tabu ko koya na Tama vakalomalagi vei ira sa kerekere vua.

Au sa kaya talega vei kemudou, Dou kerekere, ka na soli vei kemudou; dou vakasaqara, ka dou na kunea; dou tukituki, ka na dolavi vei kemudou

ni sa rawata ko koya yadua sa kerekere; ka sa kunea ko koya sa vakasaqara; ia ena dolavi vua sa tukituki.

A sa kaya vei ira ko koya, Ni dou sa masu, dou kaya, Tama i keimami mai lomalagi, Me vakarokorokotaki na yacamu. Me yaco na nomu lewa. Me caka na nomu veitalia e vuravura me vaka mai lomalagi.

Ia kakua ni cudruvi keimami e na vuku ni neimami valavala ca: ni keimami sa sega talega ni cudruva e dua sa valavala ca vei keimami. Ia kakua ni kauti keimami ki na vere; ka vakabulai keimami mai na ca.

Solia mai vei keimami e na siga yadua na kakana e yaga vei keimami

Ia na cina ni yago na mata: ia sa rarama kina na yagomu taucoko, kevaka e vinaka na matamu; ia kevaka e ca, sa butobuto kina na yagomu taucoko.

Sa sega e dua sa vakacaudreva na cina, me laʼki vakatikora e na tikina vuni, se e ruku ni vakarau ni sila, e na kenai tutu ga, me ra raica na kena rarama ko ira sa curu mai.