Popular Bible Verses from Luke 17

Share

A sa kaya vua, Tu cake, lako ga; sa vakabulai iko na nomu vakabauta.

Ia kevaka sa valavala ca vakavitu vei iko e na siga e dua, ka saumaki vakavitu vei iko e na siga e dua, ka kaya, Au sa veivutuni: kakua ni cudruvi koya.

A sa dua vei iratou, ni sa raica sa vakabulai mai, sa lesu tale, a sa vakarokorokotaka na Kalou e na domo levu. A sa bale vakatobocu ki na yava i koya, ka vakamolimoli vua: ia na kai Samaria ko koya.

Dou raici kemudou vinaka: Ia kevaka sa valavala ca vei iko na wekamu, vunauca; ia kevaka sa veivutuni, kakua ni cudruvi koya.

A sa vosa ko Jisu, ka kaya, Eratou sa sega li ni lewe tini sa vakasavasavataki? ia sa evei na lewe ciwa?

A sa kaya na Turaga, Kevaka sa tu vei kemudou na vakabauta e vaka na sore ni musita, dou na kaya ki na lolo o qo, Me cavu laivi na wakamu, ka mo laʼki tei e na wasaliwa; ena qai talairawarawa vei kemudou.

O koya yadua sa vakasaqara me maroroya na nona bula, ena vakayalia; ia ko koya yadua ena vakayalia, ena maroroya.

A qai kaya ko koya vei ira na tisaipeli, E dredre sara me sega ni yaco na veivakacalai: ia ka ca sara vua, sa yaco e na vukuna na ka o qo! Sa vinaka vua kevaka sa savenaki e domona e dua na vatu i qaqi levu, me biu ko koya ki na wasaliwa, ka ca ni sa vakacala e dua vei ira na lalai o qo.

Ia me tautauvata kei na gauna i Noa, ena vaka talega kina na gauna ni Luve ni tamata. Era a kana, era a gunu, era a vakawati, era a veimusumusukitaki me ra vakawati, ka yacova na siga ka curuma kina na waqa ko Noa, ka qai lako mai na waluvu, ka vakarusai ira kecega.