Popular Bible Verses from UGenesise 28

Share

Bheka, nginawe, ngiyakukugcina ezindaweni zonke oya kuzo, ngikubuyisele kuleli zwe; ngoba kangiyikukutshiya ngize ngenze lokho engikukhulume kuwe.

Bheka, uJehova wema lapho, wathi: “NginguJehova uNkulunkulu kayihlo u-Abrahama noNkulunkulu ka-Isaka; izwe olele kulo ngiyakulinika wena nenzalo yakho

UJakobe waphaphama ebuthongweni bakhe, wathi: “Impela uJehova ukhona kule ndawo; futhi bengingakwazi.

UJakobe wenza isifungo, wathi: “Uma uNkulunkulu eyakuba nami, angigcine kule ndlela engiyihambayo, anginike isinkwa sokudla nezingubo zokwembatha, ukuze ngibuyele endlini kababa ngokuthula; uJehova uyakuba nguNkulunkulu wami. Futhi leli tshe engilimise libe yitshe lesikhumbuzo liyoba yindlu kaNkulunkulu; kukho konke ongipha khona, ngizakunika okwetshumi.

Futhi inzalo yakho iyoba njengothuli lomhlaba, futhi uyosakazekela entshonalanga, nasempumalanga, nasenyakatho, naseningizimu; futhi ziyakubusiswa kuwe nangenzalo yakho zonke izizukulwane zomhlaba.

Waqamba leyo ndawo ngokuthi iBethele, kepha igama lalowo muzi laqala ngokuthi iLus.