Popular Bible Verses from Acts 5

Share

Ia Peter ma nakama heheaꞌu Jesus la ume aꞌe, “Makou ehalono Keakua, ia sehalono aku okou.

Keaho ma keaho, nakama heheaꞌu la ekauhano keaoaꞌo keonohenua iloko hale kapu, ia iloko nahale lakou enoho la. Nakama la ekaukaꞌu kahi kelono kaualeꞌa, pela Jesus o keMesaea.

Kena Peter ume aꞌe Ananias, “Aꞌoe eau aꞌe keeleꞌele aꞌoe la isui kelaa kama. Ia Satan eusuusu aku aꞌoe ikaohi alamoni kesui keeleꞌele la, ihailavaꞌa Keanana Kapu. Keualoko aꞌoe elolosi keeleꞌele na, kena hemea aꞌoe. Ia keualoko aꞌoe eau aꞌe keleꞌele na isui lia, ala nimoni aꞌoe oia. Okea aꞌoe nukulaoi penei? Aꞌoe sehailavaꞌa kekama. Aꞌoe ehailavaꞌa Keakua avale.” Keualoko Ananias elono nakakala nei, kama la usina ilalo nomake. Kena nakama hakoa kela elono hea eapihi aꞌe la umakaꞌu haeꞌo.

Kena vahonei anau eme aku okou ikiaꞌi nakama la, io ikaha. Amea nakama la ekaukali nahakaꞌoko lakou solakou, kemena meiselavaa. Ia amea kena nimea Keakua eau iho nakama la, okou meselavaa keseu nakama la. Aoki okou ame hakauoki ma Keakua.”