Popular Bible Verses from Luke 6

Share

Hoꞌi aꞌe alakama, kena alakama mehoꞌi aku okou. Kena kehoꞌi okou meko melahi haeꞌo, kela okou meselavaa kekaohi. Poi okou eau aꞌe namea, kena alamea mevaꞌai aku pela hoi.”

Nakama kaualeꞌa epena namea kaualeꞌa, ikaukali nakipukipu kaualeꞌa nahakumanava lakou la. Ia nakama saꞌino epena namea saꞌino, ikaukali nakipukipu saꞌino naola lakou la. Nakama hakoa ekakala kaukali nakipukipu nahakumanava lakou.

“Ia okou ilaoi nakama haihai manava okou la. Konaꞌi nakama la, ia sehakaꞌoko pela iko muli nimea. Kena kuhana okou melahi. Ia okou meme mo kama Keakua ialuna. Keakua ealoha nakama saꞌino ma nakama aimake.

Kena okou ialoha alakama, ehau poi Kamana okou la ealoha nakama la.

“Okou isehakonu alakama, kena alakama mesehakonu okou. Okou isehai aꞌe alakama, kena alakama mesehai aku okou. Okou isili hia nahaisala alakama, kena alakama mesili hia nahaisala okou.

“Anau eme aku okou nakama kela ehalono mai anau, ilaoi nakama haihai manava okou. Okou ihakaualeꞌa nakama eliloko okou la. Kakala hakaualeꞌa nakama kela ekamoa haeꞌo okou. Kena loku aꞌe Keakua ikonaꞌi nakama kela ekakala halihu okou.

“Konaꞌi alakama, ehau poi okou hihai nakama la ikonaꞌi okou.

Poi hekama evuhu papaiaha aꞌoe, huli aku kela papaiaha ivuhu kama la hoi. Poi hekama eko keauꞌahu makolu aꞌoe, aꞌoe sehaꞌapi. Kiaꞌi kama la iko keauꞌahu manihi aꞌoe la hoi. Au aꞌe alakama nia nakama la eainoa aku aꞌoe. Poi hekama eko kemea aꞌoe la, aꞌoe seme aꞌe kama na ivaꞌai aku kemela.

“Kelaꞌau kaualeꞌa sehua nahua saꞌino. Ia hoi kelaꞌau saꞌino selavaa kehua nahua kaualeꞌa.

Nahua ehuli mai nakipukipu nalaꞌau. Selavaa hekama keꞌahi nanaku ikaha ma napavuhu. Ia selavaa hekama keui nahui kehala ikaha ma navasa.