Popular Bible Verses from Luke 9

Share

Kena iko Jesus ime aꞌe nakama la hakoa, “Poi hekama hihai ikaukali mai anau, kama na ikiaꞌi namea aia hihai, uhapili {kolosi} aia la keaho ma keaho, kena ukaukali mai anau.

Oai kekama ehakekele ilolosi kanaola, meilano keola hamaoni. Ia oai kekama eaunahie kekiaꞌi keola aia nokaukali mai anau, kama la meiko keola hamaoni la.

Kena iko Jesus ime aꞌe, “Poi hekama uko pulamoa aia,*f6* kena ihaele novelevele kalina, ia kena imuli ehakaꞌoko kekiaꞌi kalina aia la, kama la mesekau kekae kenoholana Keakua.”

Ame sekonu pela hekama ihakau namea hakoa i kemaalama nei, ia ulano keola hamaoni.

“{Kama ekipu kama} meihaele iho i namahi aia, ma namahi Kamana, ia ma na{enselo} ekapu. Keualoko la, poi hekama enapa i anau, ia enapa i nakakala anau, kena anau menapa i kama na hoi.

Ia Jesus eme aꞌe kama la, “Alamanu emoe nalua lakou, ia namanu lelele eisi naohana lakou; ia {kama ekipu kama} seisi keꞌina aia inoho.”

Kena iko Jesus ime aꞌe nakama la, “Poi hekama ekaukali nakipukipu anau, kena hihai nakamaliꞌi penei, kama na ehihai anau hoi. Poi hekama ehihai anau, kama na ehihai kekama kela ehaunalia iho anau la hoi. Ia kekama moulalo okou hakoa, kena kekama hananiu.”