Popular Bible Verses from Jěnisis 17

Share

O Ebream a diyakidi a bě mabo ma mepuma ibuwa na mepuma ibuwa, ka Jěhova a pumiya Ebream, ka Mâ‐a vâ na ju, na, Umba ndi Anyambě ya ngudi yěhěpi: tamwaka o boho bwamě, na nâvě wa diya hanjâbiyěngo.

Dina jâvě ja tubwě pě, na, Ebream, ndi dina jâvě i diyake Ebreham: jambojana hangwě ya betomba beitě ndi eamě e pangidi âvě.

Mbi ka yâdidi pang‘ ’amě o hangan‘ ’ahu na nâvě n‘ ibângâ jâvě o mbuhwa ’vě, o mbamba na mbamba jabu, panga ya egombe yěhěpi, idiya ja Anyambě ’âvě, na y‘ ibângâ jâvě o mbuhwa ’vě.

Umbwakiyate, opěl‘ ’amě, pang‘ ’amě e ndi na nâvě, o ka diyandi hangwě ya betomba beitě.

Ka Anyambě a vâ, na, Nyawě, ndi, mwad‘ ’âvě Serah a ka jand‘ âvě mua‐momo; o ka vangidi mâ dina, na, Aizak; Mbi ka yâdidi pang‘ ’amě na ju panga ya egombe yěhěpi, n‘ ibângâ jaju o mbuhw‘ ’aju.

N‘ Umba‐Mbi ka věndi âvě n‘ ibângâ jâvě o mbuhwa ’vě, ehe tě y‘ iyěngidě jâvě ekae, ehe ya Kenean yěhěpi; n‘ Umba‐Mbi ka diyandi Anyambě ’abu.

Jâ ndi ja Ebreham ja kwa o boho bwaju, ka mâ‐a yâ, ka mâ‐a vâ n‘ ulema muaju, na, A bě kama ya mepuma utodu a ka ji pě? Na Serah a ka jandi, a bě mabo ma mepuma ibuwa?

¶ Ka Anyambě a vâ na Ebreham, na, O pělě ya mwad‘ ’âvě Sera, o tubake pě mâ na Sera, ndi dina jaju i diyake, na, Serah.

O ka hěběkwěni o hâkâ ya mehoni meanyu; yâ ndi e ka diyě ndembo ya panga o hangan‘ ’ahu na nâvě.

Ndi Mbi ka yâdidi pang‘ ’amě na Aizak, wa Serah a ka jayě na nâvě hohonganěngo o egombe těkae o upuma upâkwě.

A ja di hwi logwambi utodu o inyěni‐o jadi a ka hěběkwě, mua‐momo wěhěpi o mbamba na mbamba janyu, a jakwě o ndabo ’âvě, na ba hambakwě na dâlě, na mwěngi u ha ’bě ibângâ jâvě. A jakwě o ndabo ’âvě, na a hambakwě na dâlě jâvě ba hěběkwě: pang‘ ’amě e ka diyaka panga ya egombe yěhěpi o mehoni meanyu.