Popular Bible Verses from Jěnisis 9

Share

Ka Anyambě a vâ, na, Ndembo ya pang‘ ’amě e hakě o hwě n‘ inyěni o jadi na ekeha e di mihâ yěhěpi e didi o inyěni o jadi, nd‘ ekaně; na ’la mbamba na mbamba: Mbi těkiděndi epambo ’amě o bevindi, yâ ndi e ka diyě ndembo ya panga o hangan‘ ’ahu na he.

Na epambo e ka diyandi o bevindi; n‘ Umba‐Mbi ka hili yâ, ovaně nd‘ o Umba‐Mbi ka yongidě panga ya egombe yěhěpi o hanganě ya Anyambě na ekeha yěhěpi e di mihâ ya mehoni meěhěpi me jadi o he.

Moto wěhěpi a tâkidě makiya ma moto, a ka tâkudwě tepě imaju makiya na moto: ikabojana o egâlani ya Anyambě nd‘ eaju e velanaki moto.

Ka Anyambě a vambiya Noa na bana baju ibâtâ, ka Mâ‐a vâ na bâ, na, Janakani, o ka vuhakani, wa londani o he.

Elombo e ninganakě yěhěpi e jadi na ’měnâ e ka diyandi bejaka beanyu; Mbi věndi inyěni belombo beěhěpi panika behavu bea betongo.

Jângâ janyu na mahihi manyu be ka diyi na tito ja he jěhěpi, na o lonâni la oba lěhěpi, na o belombo be landakě o he běhěpi, na o bejaka bea manga beěhěpi; be věwěngo o benâ beanyu.

Ndi ’nyěni, janakani, wa vuhani; janakani nangudi o he, wa vuhani omě.