Popular Bible Verses from Jân 17

Share

Nyěvěkidě bâ na pâkwěpâkwě ’âvě: Ndaga ’âvě e ndi pâkwěpâkwě.

Eměnâ ya egombe yěhěpi nd‘ ekae, na ovaně nd‘ o bâ‐ba ka yowě Âvě dipâ, Anyambě ya pâkwěpâkwě, na Jisus Kraist, uâvě a di lomango.

Mba kalakiya kabo o pělě ea ’kaba pa; ndi Mbi kalakiyate na o pělě ea ba ka kamidi ’Mba na ndaga jabu: Ovaně nd‘ o bâ běhěpi ba ka diyě mot‘ umbâkâ, pani ka ’vě, Paia, o didi Umba mbi jadi, n‘ Umba o Âvě o jadi, na ba diyake mot‘ umbâkâ o hwě ho jadi: ovaně nd‘ o he e ka kamidě na Âvě nd‘ o lomaki ’Mba.

Mba kalakiya na, Věngěkidě bâ oviya he, ndi tataka bâ oviya bobe.

Ivenda jâvě i věki ’Mba, Mbi vi bâ jâ; ovaně nd‘ o bâ‐ba ka diyě mot‘ umbâkâ, pani ka hwě ho jadi mot‘ umbâkâ; Umba na bâ, Âvě n‘ Umba, ovaně nd‘ o bâ‐ba ka diyě hânjâbiyěngo mot‘ umbâkâ; ovaně nd‘ o he e ka yowě na Âvě nd‘ o lomaki ’Mba, na na o tândâki bâ pani ka ’vě o tândâkě ’Mba.