Popular Bible Verses from युहना 19

Share

ओउः दोःआक्‌तीको येसु “लौ द्याह्‌पाय् दप्ओआः” त दाय्‍ह्‌ती कय्‍क् क्‍लय्‍ह्‌ती लयःकोः रुआङ्इ फेआथै।

ओहाङःसैको लयःकोः काम् दप्‌खेःआ त चीःती येसुइ आखरःहाङः लेखओ कुरा ताप्‌ताक्‌ती “ङापाय् तीः अप्‌नाङः अ” त दाय्‍ह्‌ती नोःआ।

येसुइ लयःकोः आमामा ओउःइ आन राप्ओ लयःकुस् वाह्ओमयः च्‍यवःती झ्‍यान्‍ते आमाकायः “लौ योउ दा। इपाय् नाङ्‌कोः चोःलेः स्‍याव्‌पाः” त दाय्‍ह्‌ती फेरी ओउःकुस् वाह्ओचाक्‌कायः “लौ इ नाङ्‌कोः आमालेः” त दाय्‍ह्‌ती तोआथै। एत तोआक्‌तीको ओउः मान्‍ताइपाय् येसुकोः आमाकायः लयःकोः कीम्‌हाङः स्‍यास्‌ती गम्आकान्।

येसुकःताङ् वाङ्‌ती ओउःपाय् मेस् सीओ त च्‍यवःती ओउःकोः दोम् क्‍लय्‍ह्‌नीली। ओउःकोः दोम् क्‍लय्‍ह्‌नीली यात्‌ज्‍योः सीपाहीइ येसुकायः भालोइ पाम्‌हाङः ह्रोङ्‌ह्‌ती पोन्‍ह्‌ताक्आथै पोन्‍ह्आक्‌तीको वयःमा तीःमा ओउःकोः आङ्‌सै होती ग्‍ल्‍युङ्‌ह्आ।

फेरी आखरःहाङः लेखओ कुरामा ताप्‌ताक्आकान्। आखरःहाङः “ओउःकायः यातैज्‍योः ह्रुस्‌मा क्‍लय्‍ह्‌नीली” तमा लेखती मुनाः अरु आखरःहाङः “ओउःमयःइ पोन्‍ह्‌ताक्ओ चाक्‌कायः मान्‍तालम्इ लोने योनानी” तमा लेखती मुनाः।

ओहाङःसैको येसुकायः आलःआकानी आल्‌तोक्‌हाङः ओउःकोः योकोःती सात्‌सा सीङःपाय् ओउःइ लयः पास्‌ती लात्‌ती आलःती “पुह्‌रुमः” त तोओ राङ्‌ताङ् वानःआकानी। हेब्रैनी नोःओहाङः “गोल्‍गोथा” त तोआ खेःतो।

स्राप्‌तोक्‌हाङः ओउः सीपाहीलम्इ चुःकोः पगरी क्‍याह्‌ती “लौ नाङ्‌कोः मुकुत्” दाय्‍ह्‌ती येसुकायः ल्‍हुप्आकानी। फेरी राजालो लेखा दुओ क्रमःनाय् लावताक्‌थातो