Popular Bible Verses from लुका 4

Share

“लौ ङापाय् प्रभु परमेस्‍वर्‌कोः ग्‍वालामः दोःआलाङः दोह् हायःती दाय्‍ह्‌सा ओउःकोः पेओ समचार्‌ नाःतो नाःमालोलम्‌कायः थोल्‍ह्‌ती तोसाकायःमा छ्युङ्‌ह्आताङः। थुनती मुओलम्‌कायः ‘लौ बेन्‌तेःनाः’ फेरी च्‍यवःसा खाय्‌मालोलम्‌कायः ‘लौ च्‍यवःतेःनानी’ त तोसाकायःमा अरुइ ग्रक्ओ मान्‍तालम्‌कायः फेताक्‌साकायःमा परमेस्‍वर्‌इ मान्‍तालम्‌कायः दल्‌ताक्‌सा दीन्‌पाय् ‘वाङ्‌लेःनाः’ त छ्यानःती तोसाकायःमा परमेस्‍वर्‌इ ल्‍होक्आताङः” त दाय्‍ह्‌ती दाय्‍ह्ओ एसायाइ लेखओ कुरापाय् येसुइ पह्रआकान्।

“लौ ‘नाङ्इ परमेस्‍वर्‌कायः झुङ्आले बाःती स्‍यवसा खेःनाः। ओउःकोः काम् ह जाङ्‌ह्उ दा’ त दाय्‍ह्‌ती दाय्‍ह्ओलेः परमेस्‍वर्‌कोः आखरःहाङः लेखती मुनाः” त दाय्‍ह्‌ती येसु त्‍याङ्आ।

“खेःल ‘मान्‍ताइपाय् जेःगा जेःओ झुङ्आले स्‍याक्इली’ त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः” त दाय्‍ह्‌ती येसु त्‍याङ्आ।

ओहाङःसैको बाप्‍तीस्‍मा त्‍याक्आक्‌तीको येसुपाय् परमेस्‍वर्‌कोः ग्‍वालामः मुह्‌ती योर्‌दन् खोलासै द्यान्‍ह्‌ती वाङ्आ। ओहाङःसैको परमेस्‍वर्‌कोः ग्‍वालामःइ येसुकायः चालीस् दीन्‌च्‍युक्‌कायः याक्‌गार्‌सीःमालो बेलाङ्‌हाङः आलःती गम्‌लाङ् दाक्आथै। ओहाङः मुतोक्‌हाङः सैतान् त तोओ अरुसै ताङ्‌ह्ओ लान्इ येसुकायः थ्‍योन्‍ह्‌ती होम्‌सा बोङःआथै। चालीस् दीन्‌च्‍युक्‌कायः येसुइ दोह्‌मा जेःमाःत ओःनम् दीन् पुत्आक्‌तीको आन योङ्‌क्राय्ओ खेःतो।

“खेःल ‘नाङ्इ लयःकोः परमेस्‍वर्‌कोः ल्‍हुङ्‌तुक् योसा काम् जाङ्‌ह्‌सा स्‍याव्‌ल’ त दाय्‍ह्ओमा लेखती मुलेःनाः” त दाय्‍ह्‌ती येसु त्‍याङ्आ।

येसुपाय् ओउःत त्‍याङ्आक्‌तीको सैतान्इ येसुकायः थ्‍योन्‍ह्‌ती होम्‌सा खाय्‌माःत झ्‍यान्‍ते अरु क्रोःओ बेलाहाङः दाह्‌धाङ्‌माःच्‍युक्‌कायः येसुकायः फेती ज्‍याल्आ।

ओहाङःसैको येसुकायः सैतान्इ आन त्‍यावःअ लात्‌ती लनःती याव्‌च्‍याखाहाङः ल्‍हाव्‍ह्‌दैबाङ्‌कोः सबै राजाकोः देस्‌लम् छ्यानःती “लौ इ सबै राजालम्‌कोः ग्‍वम्‌मा ओउःमयःकोः देस्‌कोः पेपेओ गह्र्लम्‌मा ङाइ सबैलेः बयःनेःनाङ् बा। ओउः सबैलेः ङाकायः ल्‍हाओ लेःआः ङाइ लयः झाक्‌ती बयःसा खाय्‌लेःनाङः ओउःत झ्‍यान्‍ते नाङ्इ ङाकायः बाःती स्‍यवतेःआची त खेःया ङाइ सबै बयःनेःनाङ् बा” त दाय्‍ह्‌ती सैतान्इ फेरीलेः येसुकायः थ्‍योन्‍ह्‌ती तोथातो “लौ ‘नाङ्इ परमेस्‍वर्‌कायः झुङ्आले बाःती स्‍यवसा खेःनाः। ओउःकोः काम् ह जाङ्‌ह्उ दा’ त दाय्‍ह्‌ती दाय्‍ह्ओलेः परमेस्‍वर्‌कोः आखरःहाङः लेखती मुनाः” त दाय्‍ह्‌ती येसु त्‍याङ्आ।

ओहाङःसैको सैतान्इ येसुकायः लात्‌ती यरुसालेम् त तोओ सहर्‌ताङ् आलःती ओहाङःकोः मन्‍दीर्‌कोः च्‍योःहाङः न्‍यास्‌ती गम्आथै। ओहाङः न्‍यास्‌ती गम्आक्‌तीको “लौ नाङ्‌पाय् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इसै क्‍लाःती ल्‍होक्‌स दा। इसै ग्‍लेःती जीक्‌तेःल दोह् हायःती दाय्‍ह्‌सा परमेस्‍वर्‌कोः आखरःहाङःपाय् ‘ “लौ इकायःपाय् पेतो ओम्‌पायःतीलेः योनु” त दाय्‍ह्‌ती परमेस्‍वर्‌इ ओउःकोः ल्‍होक्ओमयःकायः तोआकान्’ त दाय्‍ह्‌तीमा मुनाः। फेरीलेः ‘ “लौ इकायःपाय् बाङ्‌हाङः त्‍योक्‌ती तोन्‌ती दोम् क्रुत्‌मा दोह्‌मा जीक्‌सा ताक्‌लाम्” त दाय्‍ह्‌ती ओउः ल्‍होक्ओमयःइ नाङ्‌कायः पेतो ओम्‌पायःती लात्‌तेःनाः बा’ त दाय्‍ह्‌तीमा लेखती मुलेःनाः” त दाय्‍ह्‌ती सैतान्इ तोमाथातो “खेःल ‘नाङ्इ लयःकोः परमेस्‍वर्‌कोः ल्‍हुङ्‌तुक् योसा काम् जाङ्‌ह्‌सा स्‍याव्‌ल’ त दाय्‍ह्ओमा लेखती मुलेःनाः” त दाय्‍ह्‌ती येसु त्‍याङ्आ।