Popular Bible Verses from یُوحنّا 10

Share

چور صرف چوری کرݨ، مار گھتنڑ تے برباد کرݨ آندے۔ مَیں اِیں واسطے آیا ہاں جو لوک زندگی پاوݨ تے کثرت نال پاوݨ۔

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

مَیں اُنہاں کُوں ہمیشاں دی زندگی ڈیندا ہاں تے او کڈھائیں ہلاک نہ تھیسن، تے کوئی اُنہاں کُوں میڈے ہتھ کنُوں کَھس نہ سگسی۔

دروازہ مَیں ہاں۔ جیہڑا کوئی میڈے ذریعے داخل تھیسی، او نجات پیسی تے اندر باہر آندا ویندا راہسی تے ساوی گھاہ پیسی۔

چنگا آجڑی مَیں ہاں۔ مَیں آپنڑیاں بھیڈاں کُوں جانڑدا ہاں تے او میکُوں جانڑدیاں ہِن،

میڈا باپ جئیں اُنہاں کُوں میڈے سپُرد کیتے ساریاں کنُوں وڈا ہے تے کوئی اُنہاں کُوں میڈے باپ دے ہتھ کنُوں نئیں کَھس سگدا۔ مَیں تے میڈا باپ ہِکو ہاں۔“

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

بس یسُوع اُنہاں کُوں ولا آکھیا، ”مَیں تُہاکُوں سچ آدھا ہاں جو بھیڈاں دا دروازہ مَیں ہاں۔

پر مزدُور جیہڑا نہ تاں بھیڈاں دا آجڑی ہوندے تے نہ ای مالک، او نہر کُوں آندا ڈیکھ تے بھیڈاں کُوں چھوڑ تے بھج ویندے تے نہر بھیڈاں کُوں پکڑ تے تِتربِتر کر ڈیندے۔

”مَیں تُہاکُوں سچ آدھا ہاں جو جیہڑا کوئی بھیڈاں دے واڑے ءچ دروازے کنُوں داخل نئیں تھیندا بلکہ کہیں بئے پاسُوں ٹپ تے اندر آندے، او چور تے ڈاکو ہے۔