Popular Bible Verses from Amahocha ga Abhatumwa 7

Share

Hanʉ bhaarɨ bharakomera Sitɨfaanʉ na amabhwɨ, akasabha arabhuga, “Ʉmʉkʉrʉ Yɨɨsu, sʉngʼaana ekoro yaanɨ!” Akʉmara akahigama, akarɨra kwiraka ikʉrʉ arabhuga, “Ʉmʉkʉrʉ, ʉtabhabharɨra ʉbhʉbhɨ bhʉnʉ igʉrʉ waabhʉ abhaatʉ bhanʉ!” Hanʉ aamarirɨ kʉgamba gayo akatinʼya. Sauri wʉʉsi aareho, akiisirirya ukwitwa kwa Sitɨfaanʉ kwarɨ bhwaheene.

‘Ʉmʉkʉrʉ akabhuga, Risaarʉ necho ikitumbɨ chanɨ chɨ ɨkɨtɨmi, nɨ ɨɨsɨ neyo ʉrʉbhaara rwanɨ rwʉ ʉkʉtʉʉra amagʉrʉ gaanɨ. Nangʉ ni‑nyumbakɨ, yɨnʉ mʉkʉtʉra kunyumbakɨra? Ahagero haanɨ hu ukwoyeera harabha hayi?

Nawe abhakʉrʉ bha Abhayaahudi bhayo bhakarɨgɨsa bhʉkʉngʼu, bhakaribha amatwɨ gaabhʉ na amabhoko. Bhakahurumukɨra Sitɨfaanʉ kwa hamwɨmwɨ, bhakamugwata, bhakamuhurucha igʉtʉ wi ichandarʉ na kumuhira igʉtʉ wʉ ʉrʉbhɨri, bhakamotema amabhwɨ. Abhamenyeekererya bhayo bhakatʉʉra zengebho zaabhʉ haguhɨ nu umumura wʉmwɨ iriina ryazɨ Sauri.