Popular Bible Verses from JOHAN 13

Share

Cule nan hnenah thukham thar ka lo pek: Pakhat le pakhat duhdaw aw uh! Keimah ih ka lo duhdawt vekin pakhat le pakhat nan duhdaw aw ve pei. Pakhat le pakhat tlunah duhdawtnak nan neih ahcun zokhal in keimah ih dungthluntu nan si kha an lo thei ding a si,” tiah a ti.

Nan Bawipa le nan Sayapa keimah in nan ke ka lo kholh zo. Curuangah nannih khal pakhat le pakhat nan ke nan kholh aw ve pei. Nan hrangih thil ka tuahmi vek cekci in nan tuah venak dingah nan mithmuh ah zohṭhim ding ka tuah zo.

Jesuh in, “Hitiih ka tuahmi hi atu ahcun a sullam na thei lo, asinain neh hnuah na thei sal leh ding,” a ti.

Thungaite in ka lo sim: sal cu a bawipa hnakin a tum sawn lo; tirhthlahmi khal thlahtu hnakin a tum sawn dah lo.

Hi thu pawl nan thei zo ih nan thlun ngaingai a si ahcun ziangtluk mi lungawi so nan si ding?

Curuangah cabuai ihsin a tho ih a angki fual a phoih hnuah taaingerh puante a taai ah a vel. Cule kheng kuumpi sungah tidai a thlet hnuah a dungthlun pawl ih ke a kholhsak ih a taai ih a velmi puante in a hnawt vivo.