Popular Bible Verses from JOHAN 6

Share

Jesuh in an hnenah cun, “Keimah hi nunnak sang ka si. Ka hnenih a rami cu a ril a rawng dah lo ding; keimah i zumtu cu a ti a haal dah lo ding.

Nunnak taktak a petu cu Thlarau a si; milai-ih taksa cu san a tlai lo. Nan hnenih ka simmi ṭongkam hi nunnak le Thlarau petu a si.

A siat theimi rawl hrangah hna ṭuan hlah uh; sikhalsehla kumkhua a daihmi nunnak rawl hrangah ṭuan uh. Cuih rawl cu Milai Fapa ih a lo pek dingmi a si, ziangahtile Pa Pathian in a parah a lungkimnak tacik a khen zo,” tiah a ti.

Ziang hrangah tile ka Pa ih duhmi cu Fapa kha a hmu ih a zumtu hmuahhmuah cu kumkhua nunnak an ngahnak ding kha a si. Cule ni neta bikah nunnak ah ka thoter ding a si,” tiah a ti.

Jesuh in, “Pathian in ṭuan hai seh ti a lo duh sakmi cu a thlahmi pa zum kha a si,” tiah a ti.

Ka Pa ih i pekmi pohpoh cu zokhal ka hnen ah an ra ding. Ka hnenih a rami cu zohman ka khir lo ding

Simon Piter in, “Bawipa, zo ih hnenah so kan feh cuang ding? Kumkhua nunnak petu ṭongkam a neitu cu nangmah na sisi!

Keimah hi vancung ihsin a rung ṭummi saang nung ka si. Hi saang a eitu cu kumkhua in a nung ding. Ka pek dingmi saang cu hi leilung in nunnak a ngah theinak dingih ka pekmi ka taksa hi a si,” tiah a ti.

I thlahtupa in ka hnenih a kuat lo ahcun zohman ka hnenah an ra thei lo ding; cutiih ka hnenih a rami cu ni neta bikah nunnak ah ka thoter ding.

Ziangahtile Pathian ih a pekmi saang cu vancung ihsin a rungṭum ih leilung mi nunnak a petu pa hi a si,” tiah a ti.

Keimah hi nunnak saang ka si.

Jesuh in sang cu a lak ih Pathian hnenah lungawi thu a sim hnuah a tomi pawl hnenah cun a zem. Nga khal cutivek ṭhiamṭhiam in a zem ih misenpi cun an ei thei tawkin an ei. Rawl an ei khawh tikah a dungthluntu pawl hnenah cun, “An hlahmi kha sar ṭheh uh; malte hman hlon lak hlah uhsi,” tiah a ti.

Long cu an hlau ih peng thum peng li tluk an feh tikah Jesuh cu tidai parah feh tahratin anmah lamih a rat vivo kha an hmu ih an ṭih ngaingai. Sikhalsehla Jesuh in, “ṭih hlah uh; Keimah ka si!” tiah a ti.