Popular Bible Verses from LUKA 12

Share

Cuvekin nannih khal ralringte in um uh, ziangahtile a ra ding tiih nan zum lo laiah Milai Fapa cu a ra thleng ding a si,” a ti.

Curuangah nan Pa ih Uknak kha helhkam in hawl sawn uhla thil dang pawl cu a lo pe leh ding,” tiah a ti.

Cule mi zapi hnenah cun, “Duhhamnak a phunphun kha ralring uhla fimkhur zetin um uh; ziangahtile mi pakhat ih nunnak taktak cu, ziangtluk milian a si hmanah, a thilri neihmi ahhin a um lo,” tiah a ti.

Ziangahtile nan sumsaw umnak ah nan thinlung khal a um ve ding,” tiah a ti.

Nanmah lakah zotal in ei-in le sinfen thu a helhkamnak in a nunnak malte a sauter theitu nan um maw?

Cuih hnuah Jesuh in dungthluntu pawl hnenah, “Cu a si ruangah nan ei dingmi rawl hrangah siseh, nan sinfen ding hnipuan hrangah siseh, donhar in um hlah uh, tiah ka lo sim.

Nan lu parih samphang hman a siar ṭheh. Curuangah nan thin phang hlah uh; sunṭam tamzet hnakin nan sunglawi sawn a si.

Tuurun tete tla, nan thinphang hlah uh; ziangahtile nan hnenah Uknak pek cu nan Pa ih lungawi zawng a si.

Tlangak khi zohhnik uh; annih in thlaici an tuh lo ih rawl khal an khawm fawn lo. Rawl-inn le cuam khal an nei lo. Asinain Pathian in a cawm hai. Nannih tla cu vate hnakin a let tampi in nan sunglawi sawn a si.

“Ei ding le in ding thu lawng ruat le helhkam ringringin um hlah uh.

Tuihsun ah a um naón thaisun ahcun a um nawn lomi, meisa sungih paih-mi hramlak hrampi hman khi a thuamtu cu Pathian a si. Nannih tla cu a lo thuam sinsin lo ding maw si? Nan zumnak a mal tuk lawmmam!

Ziangkhalsiseh khuhmi pohpoh cu on thluh an si ding ih thuthup hmuahhmuah cu phuan ṭheh an si ding.