Popular Bible Verses from LUKA 8

Share

Leiram ṭha ih a tlami thlaici cu Pathian ṭongkam an thei ih thinlung ṭha le zawnlungte ih a cem tiang rah nei ko a pom hngettu pawl an si,” tiah a sim.

Hlingbur lakih a tlami thlaici cu Pathian ṭongkam cu an thei; sikhalsehla leilung tlun donharnak, len duhnak le taksa nomnak in a khuh ih ziangtik hmanah a rah cu a hmin dah lomi pawl an si.

Lungsedaap lakih a tlami thlaici cu Pathian ṭongkam cu an thei ih lungawi zetin an pom. Asinain an thinlung sung thukpi ah a pil lo. Tikcu tawite sung an zum ih hniksaknak caan a thlen tikah a tlu salmi pawl an si.

Cule a dungthluntu pawl cu, “Nan zumnak khui-ah so?” tiah a ti. Sikhalsehla annih cu an mang a bang ih an ṭihzet; cule pakhat le pakhat, “Hi pa hi zoso a si? Thlisia le tilet tla thu a pek ih a thu an ngai hi!” tiah an ti aw.

Lamzin tluan ih a tlami thlaici cu Pathian ṭongkam an thei naón Satan a ra ih an zum lonak ding le runmi an si lonak dingah an thinlung sung ihsin Pathian ih thu cu a lak hlosak mi pawl an si.

“A thupte ih thuhmi hmuahhmuah cu langter thluh sal a si dingih khuhmi thil hmuahhmuah cu khawtleu ah suahter sal ṭheh an si ding.

Nunau nu in keimah ka si ti i thei zo, tiah ṭhia rero in a ra ih Jesuh ke hramah a ra bok. Cutawkah mizapi hmuh ahcun ziang ruangah Jesuh cu a tham ih ziang vekin hmakhatte-ah a dam ti thu tla a sim ṭheh. Jesuh in, “Ka fanu, na zumnak in a lo damter zo; hnangamte in va tlung aw,” tiah a ti.

Dungthluntu pawl in Jesuh cu an va ṭhang ih, “Bawipa, Bawipa! Kan thi thluh zik thlang sokhaw,” tiah an ti. Jesuh cu a hung tho ih thlisia le tilet cu thu a pek. Thlisia cu a reh ih zianghman thawthaang um loin a dai khepkhep.