Popular Bible Verses from MARCOS 5

Share

Jesuse' tu ya'alaj ti': Co'olel, dzo'oc u tojtal a wóol tumen ocsaj óolnajech. Xeen ti' jéedzel yéetel p'áatac toj a wóol ti' a koja'anil.

Ichil le máaco'obo' yaan ca'ach jun túul co'olel koja'an, yaan min doce ja'abo'ob cáajac u tuul ki'ik ti'. Dzo'oc u mukyaj jach ya'ab tu kab ya'abcach aj dzac yajo'ob, yéetel dzo'oc u xupic tuláacal ba'ax yaan ca'ach ti'; ba'ale' mix jun p'íit utz tu caxtaj, chéen seten kaschaj u koja'anil.

Tu séeblaquil j xu'ul u jóokol ki'ik ti', ca tu yu'ubaj tu wíinclil dzo'oc u yutztal ti' u koja'anil.

Tu machaj tu kab ca tu ya'alaj ti': Talita, cumi u káat u ya'ale': x ch'úupal, ti' teech quin wa'alic, líiken.

Ma'ili' dzo'ococ u t'aan Jesuse', dze'edzec u j palitzilo'ob j taalo'ob ti' j-luko'ob tu yotoch le u nojochil le sinagogao', ca tu ya'alajo'ob ti' u taata le x ch'úupalo': A x ch'úupale' dzo'oc u quíimil. ¿Ba'ax ti'al ca chi'ichnaccuntic le aj ca'anbesajo'? Ba'ale' Jesuse' ma' tu dzaj tu yóol ba'ax j a'alabi', ca tu ya'alaj ti' u nojochil le sinagogao': Ma' a ch'a'ic sajaquil, chéen ocsaj óolnen.

Tu ya'alaj lela' tumen Jesuse' táan u ya'alic ti'e': Kaakas pixan, ¡jóoken ti' le máaca'! Jesuse' tu káataj ti': ¿Bix a kaaba'? Leti'e' tu núucaj: Legión in kaaba', tumen ya'abo'on.