Popular Bible Verses from YOHAN 10

Share

Khoug" su: gi khoug" wa said wa ga: lhu: phyo' wa ga: date: re. Ngoo koem gi nanu" da" kangso' yoo" wa tho' moo byeung" shoin: lo" da" kangso' yo" dei nyid wa shid' re" re" zi nghoid.

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

Ngoo gi nyangnu" ri apyaid ato: kangso' ri byid: bye: yoomo nyangnu" gi khanham we' ashid: loo: wa. Hang" we' nga" da" lo, mo houg: bang: ri ayo" lhoid yu loo.

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

Nyangnu" ri nga" lo, moo ab byid: to" da" Phoo gi dangain" tho' moo je gyi: su: nghoid yoomo hang" nghoid loug- nyangnu" ri pho da" coung: goem nyid jang" mo ayo" lhoid yu loo. Phoo yo" ngoo gi dagung dashoo" za: nghoid ga: tid.

Ngoo gi ge da" yang zung" su: nghoid. Phoo Mangsoo gi ngoori se' yhangti"- ngoo we' phoo ri se' nyid. Houg: yo" dayhangti"- yang joem ri we' ngoo se' nyid. Yang joem we' ngoori se houg: yoomo ngoo gi yang joem shid' re" kang: ri yo" ab pyam zi nghoid.

Khayug we' nga" kangso' ri ayo" yu pyam byid ngoo nya: myid khyo" ngoo byid: pyam da" khyoo: nghoid. Ngoo gi kangso' ri byid: pyam wa amyeing" yo"- Kangso' doem yo" tau" yu wa amyeing" ngoo ci:- Hid: su" koid; wa shid' re" phoo gi ngoori akhyeing byid: to" amyeing" byid: to" zi nghoid ga: tid.

Houg: lang" Yesu doem tid zigi nanu" ri ngoo tid ba:- ngoo gi yang joem vang loo wa da" khoem" duang: nghoid.

Lang: jhang gi yang zung" su: ti" anghoid. Yang seing: we' anghoid. Yoomo voem, khuid" joem ri" yo" myang lang" yang joem ri she: pyam too" kho' lho: thu' phang: lo" nyid. Houg: yoomo voem, khuid" joem gi yang phung: ri khaid ngaid wigi lhu: sain" pyam nyid.

ASEING Yesu gi Deing" deing nanu" ri ngoo tid ba- yang khyam: khoug: khyoo: khoem" duang: khyo" avang loo loo: za: goo" khyo" do, rhoid vang loo su: gi khoug" su: yo" khyangtoug: danghoid.