Popular Bible Verses from YOHAN 7

Share

Ngoori loem" jeung" sugi jhoem: mungdang: moo bo ziyo' dakhyoo" ti"- nya: da" nheigloem: khoug: mo we' dei kangso' gyid gyung: joem myoo" sho' yau thu' lo nyid wa zi nghoid.

Hau: pui" zeing: da" lo" thang ziyo'- yhoug gyen: tang da" bidnyid moo Aseing: Yesu gi yab jo, lho: nyang tid zigi Gyid shed' su: hang" nghoid loug we' nga" jang" mo re" shug yu ge'.

ASEING Yesu hid: su" tid da" zigi Nyang: ri loem" jeing" mo, yo" yu wa da" gyeungshang: venyi da khyoo" ri tid zi nghoid. Nghoidsho' loug we' Yesu gi Myo, nhoo: phung" yoeb' ri ayo" yu shi"- houg yomoo gyeing shang Venyi: ri abyid: shi" zi nghoid.

Atho' pyam: mo da" akhyoo" again ri za: yu" lho: dang: aphyed goo. Deung main" da" khyoo" khyo" dang: daphyed ge ga: tid.

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

ASEING Yesu phougtu" zigi Ngoo kho" kyo" jhoug" byid: da" tarha" mungdang: gi nga" tarha" anghoid ngoori nhang: kaid su:- Mangso da" tarha" dangoid.

Mougmyid xangsu: byu yi gi nanu" ri ayo" ngheing". Ngoori gi ngheing" boem. Khasu" wim gari Ngoo gi nyangnu" da" akhyeing" ashoeb da" nheigloem: ri toin" shid' nyid yoomo nghoid.