«Ye e yɛrɛ kaàwɔ Sàrìyà Kaamoo reè rà. Nìi dzi è ra, yè e ɲantsyeere beè mɛ̀yɛ bla bla reè ka e ma, tà ko mòdzian yè è tswà beè blàbèma jàmà gane reè ɲàn. È ba ŋaablabegba rèè doùn, tsùùma nìì reè ni jɔun, è gaa twɛy rìì là. Mòò to ye è kiri e re jaaravi ɲwɛyn na, è ye be wɔ, è gaa tsùùma rèè sapɛ ɲan wùù reè rìì là. È fùnshɔ̀ùntaan rèè màniɛ̀n, yè è suun gee sapɛ tsi è ra. Tɔ̀un, yè ba Ŋaablà mafyɛ̀ɛn, è tɔ̀ fa toò rìì fur'lu, yè tɔ̀ ka e juɔ mà mɛnɛn mòdzian mà. Àwà, byɛnbe riì nà ɲɛn è tsɛ tsìɛ̀ sii sèè, tɔ nà ɲanbe, fɔ è bè geren.»