Popular Bible Verses from Marikì 1

Share

Àwà tɔ̀ raa gbey rɔn, dzɔ̀n vì bɛɛ rà, Yesù yè swɛ̀y bo è bè jènjàà kor'nà gàne sɔn ɲan, è bè Ŋaablà mafyɛ̀n.

À na dziàn ci: «Ŋaabla waatsi riì kpàdèu, tɔ̀ dzii tsyɛun, à re Màsàbee waatsi to tsyɛnbeò. Ye e tsiì e re gooɲaan nà, ye e re jaamabee fau'n kur'la lakere, ye ɲɛn Kùnàgoo Dziɔ̀ rà.»

Yesù bokɔɔn yu rɔ̀n tɔ̀un, tɔ̀ nɔ̀nkɔɔrɔn, à y'à jà jìrànxɔɔ̀ dzii saun, Ŋaablà re Dzia yè jàà na à tsɛ a ci màsàkere. Tɔ fau min niì, vu sɔn yeè bo ŋaablaxɔɔ̀ doùn, tɔ̀ yeè dzin ci: «Min Dzin Kpir'liì kɛ̀niɔ̀n, à wo rìì, wo goò dzi mun na fɔ è bè geren.»

Mun kpɛ̀yn ye jaara foo Ŋaablà re shia goo rèè rà ko yu rìì ka. Ŋà, tɔ nà ye jaara foò ko Ŋaablà re Dzi Fɛnɛɛ rìì ka.»

Yesù yè dzin è ra ci: «Ye e gban mun kpɛyn. Mun nà ye bà mòdzìn gaabaa ì, a ci ye na ji rèè kuàn nìi tsuru.» Tɔ̀ nɔ̀nkɔɔrɔn twɛy yè e raa yɔ̀ rèè bàto mɔn, yè gban à kpɛyn.

À re kàr'nà na jiɔ̀ mòdzian dzii tsɛ fɔ è bè geren. À ko Sàrìyà Kaamoo reè raa mòdzìn kàràùn'n kur'la naà soo waa. Baraka na ni à raà ɲàn fɔ è bè geren.